Fjell kommune har no revidert målbruksplanen. Dei legg vekt på at nynorsk som målform forutset at dei tilsette får tilbod om språkkurs.
Kommunestyret i Fjell kommune har no bekrefta målbruksplanen frå 2001 som seier at alle tilsette og organ i kommunen skal bruke nynorsk som målform.
– Fjell må halde fram med å tilby kurs og å legge til rette for bruk av nynorsk, seier informasjonsrådgjevar i Fjell kommune, Vigleik Brekke til avisa Vestnytt.
Han viser også til at det å fylgje opp målbruksplanen er eit leiaransvar og at det er viktig å opplyse om at nynorsk er målforma i kommunen når ein søkjer etter nye medarbeidarar. Ikkje minst ser Brekke at mange av innflyttarane til kommunen er bokmålsbrukarar og at det til ein viss grad kan endre språket.
