Heim Nyhende Nynorsk kultursentrum utvidar i Vinje og Ørsta

Nynorsk kultursentrum utvidar i Vinje og Ørsta

Staben i Nynorsk kultursentrum blir neste år utvida med tre nye stillingar, ei i Vinje og to i Ørsta.
Frå 1. mars neste år får dagleg leiar Kristian W. Rantala i Vinje-senteret med seg ein ny medarbeidar. Den nye medarbeidaren skal særleg arbeida med kulturprogrammet til senteret.
– Frå 2019 vil vi ha eit kulturprogram i Vinje gjennom heile året. Den nye museums- og festivalsekretæren får ansvar for å gjennomføra det, seier Rantala i ei pressemelding frå Nynorsk kultursentrum som Vinje-senteret er ein del av.
 
Utviding i Ørsta
Litteraturdagane i Vinje og arrangementa til Nynorsk kultursentrum i bokåret 2019 blir òg ein del av oppgåvene til den nye medarbeidaren.

Den som blir tilsett skal også vera med å byggja opp Vinje-senteret til ein nasjonal institusjon som formidlar dikting og journalistikk til ulike målgrupper.

Tilsetjinga er ein del av ei større utviding og omorganisering av staben ved Nynorsk kultursentrum. I tillegg til den nye medarbeidaren i Vinje, blir det oppretta to nye stillingar i Ørsta, ei som administrasjonssjef i Nynorsk kultursentrum og ei 80 prosent stilling som marknadsførar i Aasen-tunet.

I år feira Nynorsk kultursentrum 25 år! Kor mykje kan du om jubilanten? Prøv deg på quiz!

Ny administrasjonssjef

Gaute Øvereng (49) som dei siste sju åra har vore dagleg leiar i Ivar Aasen-tunet, er alt tilsett som administrasjonssjef i Nynorsk kultursentrum frå 1. april 2019, medan stillinga hans som dagleg leiar i Ivar Aasen-tunet blir lyst ut i desember med søknadsfrist på nyåret, heiter det. (NPK)

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Telemark fylkeskommune skal bruka minst 40 prosent nynorsk

– Eit godt og forpliktande vedtak, seier Noregs Mållag. Telemark fylkeskommune skal vera språkleg nøytralt og bruka minst 40 prosent nynorsk, har det nyleg blitt...

Desse endringane kan kome for nynorsken

Eit nytt spørjeord og nye kjønn på substantiv er noko av det Språkrådet har føreslått. Du har kanskje fått med deg at Språkrådet ønskjer at...

Alle nye lover bør kome på nynorsk!

Det er nynorsken sin tur til å bli favorisert i lovtekstane. Nynorskprosenten må opp. Når Stortinget vedtek ei lov, er ho skriven anten på bokmål...

NRK klarte ikkje nynorskkravet på radio og nett

NRK klarte nynorskkravet på TV, men ikkje radio og nett. Norsk Målungdom etterlyser fleire nynorskjournalistar. NRK har eit krav om 25 prosent nynorsk på kvar...