Heim Nyhende Nynorskkommune med Noregs beste slagord

Nynorskkommune med Noregs beste slagord

«Nitimens» lyttarar har kåra Sande kommune sitt «Utanfor allfarveg – heldigvis!» til Noregs beste kommuneslagord.

 

– Dette må me feira litt, og i første omgang skal me gjera det med kransekake her på rådhuset, sa Sande-ordførar Dag Vaagen til NRK.

QUIZ: Klarar du å fullføra kommuneslagorda?

Det er radioprogrammet «Nitimen» på NRK P1 som har samla inn 20 finalistar blant dei mange kreative kommuneslagorda her til lands.

Sande kommune på Søre Sunnmøre i Møre og Romsdal har kring 2600 innbyggjarar og merkar seg ut med kreativ språkleg marknadsføring.

«Utanfor allfarveg – heldigvis!» vant med 36 prosent av stemmene frå «Nitimen»-lyttarane. Dei snappa sigeren rett framfor nasen til dialektslagordet «Det årnær sæ» frå Fredrikstad.

Tredjeplassen gjekk til Farsund med «Kysten er klar».

Sjarmerande ljug
Retorikar Kjell Terje Ringdal tykkjer slagordet til Sande er snertent og vitnar om musikalitet og språkforståing.

– Eg tykkjer det er veldig fint fordi dei tek fram det me kunne tro var deira svakaste side, nettopp at dei ligg utanfor allfarveg. Men dei snur det, og lyg på ein sann og sjarmerande måte, sa Ringdal då han analyserte slagordet under Nitimens sending.

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Telemark fylkeskommune skal bruka minst 40 prosent nynorsk

– Eit godt og forpliktande vedtak, seier Noregs Mållag. Telemark fylkeskommune skal vera språkleg nøytralt og bruka minst 40 prosent nynorsk, har det nyleg blitt...

Desse endringane kan kome for nynorsken

Eit nytt spørjeord og nye kjønn på substantiv er noko av det Språkrådet har føreslått. Du har kanskje fått med deg at Språkrådet ønskjer at...

Alle nye lover bør kome på nynorsk!

Det er nynorsken sin tur til å bli favorisert i lovtekstane. Nynorskprosenten må opp. Når Stortinget vedtek ei lov, er ho skriven anten på bokmål...

NRK klarte ikkje nynorskkravet på radio og nett

NRK klarte nynorskkravet på TV, men ikkje radio og nett. Norsk Målungdom etterlyser fleire nynorskjournalistar. NRK har eit krav om 25 prosent nynorsk på kvar...