Heim Nyhende Nynorskstipend til marknadsføringshjelp

Nynorskstipend til marknadsføringshjelp

 

Mona Steiner Brekkan får stipend frå Noregs Mållag for å tilby hjelp med nynorsk marknadsføring.

Mona Steiner Brekkan frå Radøy får nynorskstipendet for å tilby bokmålsverksemder knytte til Nordhordland Næringshage hjelp til å ta i bruk nynorsk i marknadsføringa og som identitetsbyggjar. Stipendet er på 50.000 kroner og vart utdelt av Marit Aakre Tennø, leiar i Noregs Mållag, på Austrheim måndag.

– Styret i Noregs Mållag fall med ein gong for den offensive innretninga på prosjektet. Det høver svært godt til arbeidet Mållaget gjer med ein kampanje for meir nynorsk i næringslivet, og for å skryta av dei som tek i bruk nynorsk i verksemdene sine, seier Marit Aakre Tennø.

Til lukke med Nynorskstipend: Mona Steiner Brekkan frå Radøy (til venstre) og Marit Aakre Tennø, leiar i Noregs Mållag

Noregs Mållag ser at fleire verksemder byter frå bokmål til nynorsk no enn før. Tidlegare var det gjerne med ei grunngjeving om å kommunisera ekte og tradisjonsrik mat og/eller opplevingar. No ser me at skipsverft, salatprodusentar og plastkasseprodusentar bruker nynorsk også.

– For Mållaget er det å bruka nynorsken viktig aktivt målarbeid. Me er ekstra glade for at verksemder i nynorskområde bruker nynorsken. Det gjer at nynorskelevar i området oftare får sjå sitt eige språk, og det er viktig for lese- og skrivetreninga, seier Marit Aakre Tennø.

– Det vert veldig spennande å følgja med på arbeidet til Mona Steiner Brekkan. Vonleg kan vi læra noko i vårt eige arbeid med å få fleire til å ta i bruk nynorsk.

Noregs Mållag, med støtte frå Kulturdepartementet, deler ut to arbeidsstipend à kr 50 000. Føremålet med stipenda er å hjelpa fram gode prosjekt som kan fremja nynorsk på alle samfunnsområde.

LES OGSÅ: – For oss er det sjølvsagt med nynorsk

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Den nye opplæringslova er ikkje god nok for nynorskelevane

Fredag 24. mars 2023 la Tonje Brenna fram forslag til ny opplæringslov. Norsk Målungdom synest det er fleire gode framlegg for nynorskelevane, men at...

Målblome til ålesundordførar Eva Vinje Aurdal

– Norske kommunar er viktige språkaktørar, og mellom 356 nyansar av kommunegrått har språket vårt både bøller og bestevener. Midt i det grå står...

LNK om ny opplæringslov: – Stortinget må sikra meir nynorsk i skulen

Nynorskkommunane (LNK) er glad for at regjeringa vil lovfesta at skulen skal ha skriveprogram som støttar nynorsk, men meiner lova må oppdaterast for å...

Mållaget: – Ny opplæringslov forsterkar den digitale læremiddelkrisa for nynorskelevane

– Situasjonen i nynorskklasseromma er alvorleg. Det sit over 73 000 nynorskelevar ved pultane sine og må bruke digitale læringsressursar på feil språk, seier...