Heim Nyhende Olaug Nilssen nominert til Ungdommens kritikarpris

Olaug Nilssen nominert til Ungdommens kritikarpris

Ny prismoglegheit for Tung tids tale.

Nominasjonane til Ungdommens kritikarpris 2018 blei offentleggjorde onsdag kveld under eit arrangement på Deichmanske bibliotek i Oslo. I alt er åtte forfattarar nominerte. Dette er andre gong Nilssen er nominert til denne prisen.

Stolt og glad

– Eg er veldig stolt av og glad for å vere nominert for andre gong, og eg er spent på korleis ei slik bok blir mottatt av unge lesarar, seier Olaug Nilssen i ei pressemelding frå Foreningen! les.

– Tung tids tale har utløyst eit ras av positive og inderlege tilbakemeldingar, både frå pårørande, frå fagfolk innanfor helse og omsorg og frå andre lesarar. Det er stort og sterkt å oppleve at ei personleg bok får til å krype inn under huda på så mange lesarar, seier Nilssen om boka i ei pressemelding frå Samlaget.

– Eit eksempel på krafta i skjønnlitteraturen

«Med et høyt tempo, ofte korte kapitler og setninger, skildrer forfatteren frustrasjonen, sorgen, men også gleden over å ha et barn som er annerledes. Det er ofte vondt å lese om, men også rørende og i blant humoristisk. Boken blir stående som et eksempel på kraften som finnes i skjønnlitteraturen, og på hvordan den kan sette politiske og eksistensielle problemstillinger under debatt», heiter det i grunngjevinga frå juryen.

Ungdommens kritikerpris er eit samarbeid mellom Foreningen! les, Utdanningsforbundet, Norsk Kritikerlag og Den norske Forleggerforeningen. Prisen går til ei bok i sjangeren skjønnlitterær samtidslitteratur og blir delt ut av elevar i vidaregåande skule.

Tung tids tale er òg nominert til Brageprisen.

Dei andre nominerte er:
  • Demian Vitanza: Dette livet eller det neste (Aschehoug) – roman
  • Therese Tungen: Ein gong var dei ulvar (Aschehoug) – noveller
  • Jan Kjærstad: Berge (Aschehoug) – roman
  • Erlend O. Nødtvedt: Vestlandet (Aschehoug) – roman
  • Øyvind Rimbereid: Lenis plassar (Gyldendal) – langdikt
  • Lotta Elstad: Jeg nekter å tenke (Flamme) – roman
  • Aina Villanger: Baugeids bok (Oktober) – prosaverk

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Vi treng eit nynorskløft i lærarutdanningane

I dag er det beint fram tilfeldig om ein student går ut av lærarutdanninga med kunnskap og kompetanse til å gje nynorskelevane ei god...

Ola Borten Moes handlingsplan for norsk fagspråk møter kritikk

Handlingsplanen til regjeringa for norsk fagspråk møter kritikk frå professor som meiner regjeringa prioriterer det norske språket over kvalitet i forskinga. – Engelsk er språket...

Framtida Junior er årets nynorskbrukar

Framtida Junior fekk prisen "Årets nynorskbrukar 2023" for å bryte veg for meir nynorsk på digitale medieflater og for å skrive om varierte emne...
Mindre lokalt - meir sentralt: Frå Radiohuset til NRK på Marienlyst i Oslo. Foto: Wikipedia

NRK oppfyller ikkje nynorskkravet – framleis for lite nynorsk på nett og radio

Andelen nynorsk i NRK har auka noko, men det er framleis eit stykke igjen til målet, viser Medietilsynets tilsynsrapport for fjoråret. Direktør Mari Velsand i...