Heim Nyhende Oppmodar til fråsegner om språk i den nye Vestlandsregionen

Oppmodar til fråsegner om språk i den nye Vestlandsregionen

– Det vil vere eit stort tilbakesteg for nynorsken om ikkje produksjonen av skriftleg materiale i den nye Vestlandsregionen går føre seg på nynorsk, skriv LNK i brev til medlemmane sine.

Intensjonsplanen mellom Rogaland, Hordaland og Sogn og Fjordane, slår ikkje fast at den nye Vestlandsregionen skal ha nynorsk som administrasjonsspråk. Dei tre fylkesordførarane har alle i ettertid stadfesta at det ikkje er tatt endeleg stilling til kva administrasjonsspråk den nye regionen skal ha. Dette skal avklarast i den vidare prosessen.

No har Landsamanslutninga av nynorskkommunar (LNK) oppmoda alle medlemmane sine, kommunar, interkommunale selskap og andre institusjonar og verksemder, til å gje fråsegn om den nye Vestlandsregionen.

– Den nye regionen vil vera ein stor produsent av skriftleg materiale. Det vil såleis vera eit stort tilbakesteg for nynorsken om ikkje dette skjer på nynorsk, med same omfang som i dag.  Ein ny stor vestlandregion bør ha gode føresetnader for styrking av nynorsken, heiter det i brevet som er underteikna dagleg leiar i LNK, Vidar Høviskeland.

LNK vil be medlemmane om å ta inn eit punkt om språk i fråsegna si om den nye regionen.

Eit forslag til formulering kan vera:
«………… kommune/ museet/ IKS/KF/AS  ber om at Vestlandsregionen klarare støttar opp om det nynorske språket når den nye regionen skal skipast.  Desse tilleggspunkta om språk bør difor inn i intensjonsplanen:
1. Staten skal bruke nynorsk i sin skriftlege kommunikasjon med regionen
2. Regionen skal ha nynorsk som administrasjonsspråk
3. Det skal utarbeidast eigne språkreglar for tilsette, som tek vare på dei språklege rettane for private rettssubjekt (personar, bedrifter, organisasjonar, institusjonar)
4. Regionen skal vere eit føredøme for klart språk i offentleg forvaltning»

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Uroa for alle som skal læra nynorsk etter funn i ny undersøking

Over 23 prosent av rektorane i grunnskulen var ukjente med at det blir krav til at skriveprogram skal støtta både nynorsk og bokmål frå...

Stillingsutlysing: Vil du få til meir MÅL på Jæren?

Stillingsutlysing: Er du glad i målet ditt, nynorsk og vil få fleire til å gleda seg over dialekta si og nynorsken? Er du i tillegg...

Språkrådet ber avisene sikre nynorskdelen i framtida

Nynorskavisa Kvinnheringen kan publisere Amedia-tekstar og meiningsinnlegg på bokmål, men trur ikkje dei vil skrive mindre nynorsk framover. – Det som overraska mest var nok...

Litteraturbåten Epos inviterer til litteraturcruise i Hardanger heile sommaren!

No kan du bli med den gamle bokbåten på tur blant bøker, bølger og bygder i Hardanger! Den 61 år gamle båten Epos har vore...