Heim Nyhende Per Idar Almås blir ny direktør for Førdefestivalen

Per Idar Almås blir ny direktør for Førdefestivalen

Per Idar Almås (37) frå Stord tek over etter Hilde Bjørkum som direktør og kunstnarleg leiar for Førdefestivalen.  

 

37-åringen er oppvaksen på Stord, men bur på Sandane og kjem frå ei delt stilling som festivalsjef for kammermusikkfestivalen Gloppen Musikkfest på Sandane og prosjektansvarleg for barneprogrammet i Festspillene i Bergen.

Den nytilsette direktøren har også lang røynsle frå andre delar av kulturlivet i Bergen, ikkje minst gjennom konsertar og festivalar. Han har også arbeidserfaring frå Arna og Åsane kulturkontor i Bergen kommune og TV 2. Den påtroppande festivalsjefen har også vore ein del av staben bak The Tall Ships’ Races i Bergen, fortel Førdefestivalen i ei pressemelding.

– Kjempespennande

Til saman fem personar hadde søkt stillinga som ny direktør for festivalen. Sjølv er Almås glad og audmjuk over å ha fått stillinga.

– Eg ser på det som ei ære å få vera med å utvikla festivalen vidare saman med alle dei strålande menneska som er involverte og engasjerte i festivalen, seier han.

– Kva var den viktigaste motivasjonen din for å søkja stillinga?

– Det er jo ei kjempespennande stilling og ein av dei mest spennande jobbane ein kan ha i kulturlivet i Noreg. Moglegheitene til å utvikla festivalen for framtida er superspennande, seier Almås til Nynorsk pressekontor.

Han fortel at han tek til i stillinga 1. oktober.

– Først skal eg gjera ferdig Festspillene i Bergen. Deretter skal eg arrangera Gloppen musikkfest i byrjinga av september, og så skal eg ta over i Førde.

Nøgd styreleiar

Styreleiar for Førdefestivalen, Tone Winje, er svært nøgd med å få Almås med på laget.

– I den nye direktøren, Per Idar Almås, får vi ein kar som er positiv, hardtarbeidande og løysingsorientert, med teft for god programmering, seier ho.

Winje fortel at nye festivalleiaren brenn for formidling av musikk og kultur både til barn og vaksne og at han har fått svært gode tilbakemeldingar på evnene til å samarbeida.

– Vi i styret er kjempenøgde og gler oss til å følgja, Almås, seier ho. (©NPK)

NYNORSK INSPIRASJON

SPRÅKBRUKSPLANAR

Meir enn 30 av LNK sine medlemskommunar har vedteke eigne språkbruksplanar – eller målbruksplanar som dei ofte vart kalla før. Dei fleste planane byggjer...

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

MEST LESE

Strategi for Nynorskkommunane (LNK) 2025-2029

Landstinget vedtok ny strategi for Landssamanslutninga av nynorskkommunar – LNK. Strategien bygger på prinsipprogrammet til LNK: • LNK skal leggja til rette for at medlemene kan vera...

Jubileumsfeiringar, sterke stemmer og sommarstemning under Festspela

Festspela 2025 vart ei levande og meiningsfull markering av nynorsk språk og kultur. Med fantastisk sommarvêr, sterke kulturopplevingar og eit engasjert publikum, er det...

– No er vi klare for Festspela!

– Vi gler oss til å ta imot gjestar i alle aldrar til ein levande og samlande festival, seier festspelsjef og konstituert arenaleiar Ida...

Fråsegn frå landstinget til LNK: – Kommunane må få dekkja kostnadene til språkdelte klassar

Landstinget til LNK kjem med klart krav til at kommunane må få dekkja dei kostnadene dei har til språkdelte klassar i ungdomsskulen. Etter den nye...