Heim Nyhende Program for landstinget til LNK 2019

Program for landstinget til LNK 2019

 
Landssamanslutninga av nynorskkommunar (LNK) inviterer til landsting i Førde 6.-7. juni på Scandic Sunnfjord Hotell. LNK vil samstundes feira 25-årsjubileet sitt. Me håpar alle medlemskommunar, andre medlemmar og alle andre interesserte har høve til å koma.
 
Landstinget er ein viktig møteplass for dei over 100 nynorskkommunane, og me håpar du har høve til å koma slik at kommunen din blir representert. Målet vårt er at landstinget blir ein framtidsverkstad for nynorsk i kommunane.
Landstinget har fire hovudtema:
• Den digitale framtidsskulen på nynorsk
• Klarspråk i kommunereforma
• Mediemeldinga og framtida for nynorsk i lokale media
• Med nynorsk på tanken: om korleis stimulera til fleire nynorske kulturproduksjonar gjennom Kulturtanken/DKS.
Til festkvelden kjem Tore Renberg og Tønes for å spela og samtala på Larris Scene på Scandic Sunnfjord Hotell.
Tore Renberg er ein strålande vikar for Ragnar Hovland som først var sett opp saman med Tønes.

Utvida påmeldingsfrist: 24. mai
NB: Hotellet er fullt frå onsdag til torsdag, men det er enno plassar frå torsdag til fredag.

Stadfesta innleiarar:
Atle Hamar, statssekretær (V)
Åse Wetås, direktør i Språkrådet
Lin Marie Holvik, direktør i Kulturtanken
Per Magnus Finnanger Sandsmark, direktør Nynorsk kultursentrum
Ingebjørg Erikstad, Sogn og Fjordane fylkeskommune, assisterande fylkesdirektør for næring og kultur
Ole John Østenstad, rådmann og prosjektleiar for nye Sunnfjord kommune
Bodil Kvamme, teatersjef, Sogn og Fjordane Teater
Hjalmar Eiksund, nestleiar for Nynorsksenteret og prosjektleiar for DigiGLU-prosjektet
Jens Kihl, kommentator i Bergens Tidende
Jorid Saure, prosjektleiar, «Stolt av eige språk»

Me har enno nokre programpostar igjen. Me har sett av éin time til korte presentasjonar av gode nynorsktiltak i kommunane. Har du innspel til tiltak som fleire bør få vita om – ta kontakt med svein@framtida.no!
MELD DEG PÅ HER: https://sfj.pameldingssystem.no/landsting

Utvida påmeldingsfrist: 24. mai
NB: Hotellet er fullt frå onsdag til torsdag, men det er enno plassar frå torsdag til fredag.

Slik kjem du deg til Førde:
Ekspressbussruta Fjordekspressen går frå Bergen og frå Trondheim, og passar slik for både reisande frå nord og sør på Vestlandet.
Det er òg mogleg å ta fly med Widerøe til Førde frå Bergen og Oslo.

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Språkrådet ber avisene sikre nynorskdelen i framtida

Nynorskavisa Kvinnheringen kan publisere Amedia-tekstar og meiningsinnlegg på bokmål, men trur ikkje dei vil skrive mindre nynorsk framover. – Det som overraska mest var nok...

Litteraturbåten Epos inviterer til litteraturcruise i Hardanger heile sommaren!

No kan du bli med den gamle bokbåten på tur blant bøker, bølger og bygder i Hardanger! Den 61 år gamle båten Epos har vore...

Nynorsk litteratur der ute – og heim igjen

Korleis har litteratur på mindretalsspråket nynorsk enda opp med å vinne internasjonale prisar? Og kvar går vegen vidare? Dette er nokre av spørsmåla du kanskje...

Nynorsk og bokmål må inn i Grunnlova

Det er på høg tid å grunnlovfesta norsk som nasjonalt hovudspråk i Noreg og grunnlovfesta jamstillinga mellom bokmål og nynorsk. Den formelle likestillinga mellom bokmål...