Heim Nyhende Reagerer på utnemning til Språkrådet

Reagerer på utnemning til Språkrådet

Ny varamedlem i Språkrådet vil ha meir engelsk i akademia.

 

Rektor Curt Rice ved Høgskulen i Oslo, som fredag vart utnemnd til varamedlem i det nye styret i Språkrådet, vil ha meir engelsk inn i forsking og høgare utdanning i Noreg.

Venstre-politikar Guri Melby vart fredag utnemnd til ny leiar i det nye Språkråd-styret, der talet på medlemmer no er redusert frå ni til fem.

Som nestleiar får Melby med seg språkprofessor og tidlegare styremedlem Trond Trosterud ved Universitetet i Tromsø, mens administrerande direktør i Schibsted Forlag Jan Erik Knarbakk og fylkesleiar i Hordaland Høgre Liv Kari Eskeland blir med som styremedlemmer.

Nye vararepresentantar er høgskulelektor Eli Bjørhusdal og høgskulerektor Curt Rice.

LES OGSÅ:No kan du skriva «eit kompliment»

Skal styrkje norsk språk
– Språkrådet gjer ein viktig jobb for å styrkje det norske språket og språkmangfaldet i landet. Eg er glad for at vi har fått på plass eit nytt styre med så dyktige personar, og eg er trygg på at dei kjem til å halde fram det gode arbeidet for å nå måla i språkpolitikken, seier kulturminister Linda Hofstad Helleland (H).

Eitt av dei vedtatte måla er å hindre domenetap for norsk.

– Norsk skal vere hovudspråket ved norske universitet og høgskular, heiter det mellom anna i språkmeldinga Mål og meining.

LES OGSÅ: Lite framandspråk i skulen: Kva kostar det oss?

Vil ha meir engelsk
Men i siste nummeret av Språkrådets eige blad Språknytt tok språkforskar Rice til orde for meir bruk av engelsk i forsking og høgare utdanning. Amerikanaren synest ikkje det blir forska for lite på norsk i Noreg, snarare tvert imot.

– Eg synest det skal utruleg mykje til for å forsvare å skrive ein doktorgrad på norsk, seier han mellom anna i intervjuet med Språknytt og peikar på at forskinga i all hovudsak er internasjonal og global.

Tidlegare leiar i Norsk Målungdom Vebjørn Sture reagerer i lys av intervjuet i Språknytt på utnemninga.

– No skal bokmålsfolket – endeleg – få ein legitim grunn til å klage. I julegåve frå kulturministeren har dei nemleg fått ein ny vara-bokmålsrepresentant til styret i Språkrådet. Han er rektor på Høgskulen i Oslo og Akershus og markerte seg seinast for nokre dagar sidan ved å etterlysa større domenetap for norsk språk i akademia, skriv Sture på Facebook-sida si. (©NPK)

LES OGSÅ: Moddi syng «Deilig er jorden» på nynorsk

NYNORSK INSPIRASJON

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

Voss herad er Årets nynorskkommune: – Det same som verdsmeister i nynorsk

Kulturdepartementet heidrar Voss herad for klar og tydeleg informasjon på nynorsk under koronakrisa. – OL-og VM-medaljer har me i bøtter...

MEST LESE

Språksjov-Linda vedgår: – Mange vil gjerne inn i skåpet mitt

Dette er det andre intervjuet i årets sommarserie. Mykje moro og mange bilete av den fargerike vossingen og sjefen for den populære...

Guri Vesaas får Storegutprisen under Litteraturdagane 2022

På Litteraturdagane i Vinje blir tidlegare redaktør i Det Norske Samlaget, Guri Vesaas, heidra med Storegutprisen. Ho får prisen spesielt for den...

Rekordtal for nynorskinnhald i Store norske leksikon

I over 100 år var Store norske leksikon (SNL) nesten berre på bokmål. Men etter at SNL og Nynorsk kultursentrum gjekk saman...

Miljøstøtte frå Vestland til Framtida Junior

Framtida Junior vil laga til miljøjournalistkurs for barn og unge fleire stader i Vestland no i haust, og gje ut ei miljøutgåve...