Heim Nyhende Sanner avviser at inntektssystemet ikkje er greidd ut

Sanner avviser at inntektssystemet ikkje er greidd ut

Kommunal- og moderniseringsminister Jan Tore Sanner (H) avviser påstandar om at endringane i inntektssystemet for norske kommunar ikkje er skikkeleg greidd ut.

 

260 av dei 428 ordførarane i landet har skrive under eit opprop mot eit forslag til nytt inntektssystem for kommunane som er ute på høyring no.

Sanner reagerer på det han meiner er feilinformasjon i oppropet. I teksten blir det hevda det at forslaga til endringar ikkje «byggjer på utgreiingar frå offentlege utval som er breitt samansette og med medlemmer frå kompetente fagmiljø.»

– Det er definitivt feil. Eit strukturkriterium blei greidd ut både på 90-talet og av Borge-utvalet i 2005. Så har vi supplert dette med nye oppdateringar og utrekningar. Det har lenge vore peikt på at basistilskotet, som blir gjeve som ein lik sum til alle kommunar uavhengig av innbyggjartal, bør differensierast, seier Sanner til Kommunal Rapport.

Seks av ti norske ordførarar skuldar også kommunal- og moderniseringsministeren for å tvinga norske kommunar til å slå seg saman fordi det er økonomisk lønsamt.

– Eg vil seia det er tvert imot. Det er det noverande inntektssystemet som frys fast ein forelda kommunestruktur, fordi det i realiteten straffar kommunar som vil byggja større og sterkare velferdskommunar. Når det er brei politisk semje om at kommunestrukturen bør endrast, må også eit slikt inntektssystem endrast, seier Sanner. (©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Nynorsk teaterjubel i raudgrøn budsjettsemje

– Alle som er glade i nynorsk scenekunst, kan sende ein varm tanke og ei hjarteleg takk til Audun Lysbakken og SV. Det seier leiar...

Ny lærebok vil vise at nynorskopplæring er moderne

Lærarstudentar og norsklærarar som strevar med nynorsk får gjennom ei ny bok høve til å styrkje nynorskkompetansen sin. – Boka er sett saman av ulike...

Vel nynorsk for barnet ditt!

Er du ein av dei mange tusen føresette som veit at dette er siste året i barnehage, og neste haust er det skulestart? Kanskje...

Det nynorske næringslivet foreinar kreftene

Den nye medlemsorganisasjonen Nynorsk bedriftsforum skal vere eit landsdekkande nettverk av og for nynorskbedrifter. Målet er å betre dei språklege arbeidsvilkåra for nynorskbedriftene, slik...