Heim Nyhende Semje mellom KS og Unio

Semje mellom KS og Unio

Semje på overtid mellom KS og Unio. Slik blir oppgjeret.

 

– Det har vore ein svært krevjande mekling med trong ramme og mange vanskelege tema. Ut frå ei heilskapsvurdering kunne me likevel ikkje kasta kommunane ut i ein storstreik i fjerde hovudoppgjer på rad, seier forhandlingsleiar Ragnhild Lied, ifølgje Framtida.no.

Etter mange timars mekling på overtid blei det ei løysing i kommuneoppgjeret. Medlemmar i Unio kommune får ein lønnsauke på nivå med andre grupper. I tillegg får lærarane kompensert noko av etterslepet. Lærarane skal undervisa same mengd timar som i dag. Dei skal bruke meir av tida si på oppgåver dei sjølv meiner er til beste for elevane. Der dei fysiske arbeidsforholda er tilfredsstillande, skal lærarane bruke meir av arbeidstida si på skulen.

Unge nyutdanna lærarar skal dei to første åra ha nedsett undervisingstid. Det skal enno vera ein sentral arbeidstidsavtale.

– Eg skulle gjerne sett at vi hadde fått ei høgare ramme og ei betre fordeling, men samla sett over to år er det eit akseptabelt resultat, seier Ragnhild Lied, forhandlingsleiar i Unio kommune.

Økonomi

Barnehagelærarar, sjukepleiarar, fysio- og ergoterapeutar får i snitt eit lønnstillegg på 13.500 kroner. Lærarane får i snitt eit lønnstillegg på 18.000 kroner, medan for lektorane vil tillegga i snitt vera 25.000 kroner. I tillegg er det ein lokal pott på 1 prosent per 1. juli. Totalramma i oppgjeret i år er om lag 3,3 prosent.

Skissa inneheld òg fordeling av pengar for mellomoppgjeret i 2015. Det gjev ein ytterlegare årslønnsvekst på 3 prosent neste år.

– KS må ta ansvaret

Unio meiner KS har bidratt til å skapa forventningar blant sine tilsette i forkant av oppgjeret ved å gi inntrykk av at dei vil at utdanning skal løna seg meir for kommunetilsette.

– Når det kjem til stykke viser KS liten vilje til å bruke løn for å stoppa kunnskapsflukten frå offentleg sektor. Det er eit val dei som arbeidsgivar må ta ansvar for. Me fryktar at unge arbeidstakarar vil velja seg bort frå kommunal sektor dersom denne utviklinga held fram, seier Lied.

Per Kristian Sundnes, forhandlingsleiar for KS, seier i ei pressemelding at det er utan tvil blant dei mest kompliserte forhandlingar han har deltatt i gjennom dei 20 åra han har vore med på dette.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Vi treng eit nynorskløft i lærarutdanningane

I dag er det beint fram tilfeldig om ein student går ut av lærarutdanninga med kunnskap og kompetanse til å gje nynorskelevane ei god...

Ola Borten Moes handlingsplan for norsk fagspråk møter kritikk

Handlingsplanen til regjeringa for norsk fagspråk møter kritikk frå professor som meiner regjeringa prioriterer det norske språket over kvalitet i forskinga. – Engelsk er språket...

Framtida Junior er årets nynorskbrukar

Framtida Junior fekk prisen "Årets nynorskbrukar 2023" for å bryte veg for meir nynorsk på digitale medieflater og for å skrive om varierte emne...
Mindre lokalt - meir sentralt: Frå Radiohuset til NRK på Marienlyst i Oslo. Foto: Wikipedia

NRK oppfyller ikkje nynorskkravet – framleis for lite nynorsk på nett og radio

Andelen nynorsk i NRK har auka noko, men det er framleis eit stykke igjen til målet, viser Medietilsynets tilsynsrapport for fjoråret. Direktør Mari Velsand i...