Heim Nyhende Sensuell sateng på nynorsk

Sensuell sateng på nynorsk

Med Adam og Eva – sengekledet som snakkar kjærleik lanserte designbyrået Funkle si nye merkevare nå i mai.

Det har verkeleg slått an, ler dagleg leiar Magnvor Lunåshaug. Men den råaste låtten var det ein mann i åttiåra som kom med, fortel ho.

Med erotiske folkeeventyr som utgangspunkt var det heilt naturleg for Funkle-gjengen å ty til nynorsk når produktet skulle lanserast.

Det var eit heilt medvite val å nytta nynorsk i denne kampanjen, understrekar Lunåshaugen. Nynorsk er mest tradisjonstru, og dei to forteljingane er mykje meir fengjande på nynorsk. Hadde me nytta bokmål, ville uttrykket blitt meir vulgært, ler ho.

Medan sengekledet er rikt illustrert, får kjøparane eventyret på baksida av innpakninga.

Funkle nyttar ikkje nynorsk til vanleg og henta inn hjelp frå eit lite tekstforfattarfirma i Oslo, som hjelpte dei med å skriva historia og tilpassa ho til forholda i dag.

Maskulin design

Designbyrået går gjerne nye vegar og har nytta både industri og folkekultur i produktutviklinga si, med historietekstar knytte til produkta.

Utgangspunktet for sengekledekampanjen er eventyra om korleis Adam og Eva oppdagar kjærleiken, og korleis dei same hovudpersonane oppdagar det underjordiske.

Sengekleda har ei dydig overside og ei underside med fest og moro, fortel Lunåshaug. Vi veit at det ikkje alltid er like roleg på soverommet.

Med broderiteknikk inspirert av kraftmaster og småkryp på putene har designbyrået utvikla ein maskulin tekstilproduksjon, som dei merkar gjev resultat.

– Femti prosent av kjøparane våre er menn, understrekar Lunåshaugen. I utgangspunktet var målgruppene for byrået vaksne frå 20 til 25 år og frå 40 til 45 år, men erfaringa har synt endå ei målgruppe, nemleg damer mellom førti og seksti år, og eldre.

Merke for god design

Funkle er eit ungt firma som allereie har markert seg i designbransjen i Noreg. I vår fekk dei det prestisjetunge Merke for god design, som Norsk Designråd deler ut årleg. Prisen fekk dei for sine maskuline pledd i produktserien ”The Power Collection”.

Det norske designfirmaet nyttar norske historier som grunnlag for produktutvikling, og dei har fram til nå framstilt alle produkta sine i Noreg. Men for å produsera sengekleda måtte dei utanlands.

– Det var ingen som kunne produsera sengeklede i Noreg, difor valde me ein svensk produsent i Tyrkia til produksjon av det nyleg lanserte satengsengekledet, fortel Lunåshaug.

Førre artikkelKommunar vurderer samanslåing
Neste artikkelhjartesmil

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Alt gjer seg betre på nynorsk

Prisvinnar Øystein Furevik gir folk nynorsk i ei verd prega av engelsk. For han er nemleg alt betre på nynorsk. – For meg er nynorsk...

Nynorsk kultursentrum stiller opp for Det Norske Teatret

Det Norske Teatret troppa opp på Festspela for å lansere si nye kampanje for å tette finaniseringsgapet som har utvikla seg samanlikna med Nathionaltheatret....

Nynorsk barnelitteraturpris til Markus Lantto og Camilla Kuhn

Forfattar Markus Lantto og illustratør Camilla Kuhn har fått Nynorsk barnelitteraturpris 2022 for boka Kåre og Marimba hjelper til gjeven ut på Samlaget. – Juryen...

Ber storsamfunnet syta for at retten til eige språk og kultur er reell

Landstinget til LNK Nynorskkommunane kom med støtte til samar, kvener, norskfinnar og skogfinnar. – Me i LNK Nynorskkommunane var samla til landsting same dag som...