Heim Nyhende Skuffa over redusert kulturansvar i vest

Skuffa over redusert kulturansvar i vest

Fylka får likevel ikkje meir ansvar for kulturlivet, slik regionreforma for kulturområdet først la opp til. Det har gjort at fylkespolitikarar no er skuffa over kulturministeren.

– Eg er veldig skuffa over vedtaket. Målet til regionreforma var å overføre makt og styresmakt til fylka og nærmare folk, eit mål kulturministeren no sviktar. Han skrotar ei demokratireform. Rett og slett trist, skriv Stian Jean Opedal Davies (Ap), leiar i Hovudutval for kultur, idrett og integrering i Vestland i ein e-post til Bergens Tidende.

Fylkesdirektør for kultur, idrett og inkludering i Vestland, Per Morten Ekerhovd, reagerer også på utfallet.

– Etter det omfattande forarbeidet som er lagt ned av staten og alle fylkeskommunane, er det overraskande at Kulturdepartementet plutseleg vel ei heilt annan linje. Det store spørsmålet no er kva konsekvensar dette vil ha for den vidare retninga for den nasjonale kulturpolitikken? skriv han i ein e-post til avisa.

Regionreforma har vore ein betent sak for kulturinstitusjonane i Bergen. I den låg det konkret forslag om at Den Nationale Scene, Harmonien, Carte Blanche, Kode og andre institusjonar som i dag er på statsbudsjettet, kunne bli overført til Vestland fylke – heilt eller delvis.

Rosar ministeren

Petter Snare, direktør på kunstmuseene Kode, er derfor veldig nøgd med snuoperasjonen.

– Kulturministeren skal ha ros for å ha lytta til eit samla kulturfelt, og skrinlagt ei reform som hadde heve kulturfeltet inn i unødige kranglar om pengar og nasjonal og regionale interesser. Dette var ei reform som ingen trengde, og Raja har no slått fast at han er heile Noregs kulturminister og ikkje berre minister for nokre få hovudstadsinstitusjonar, skriv Snare i ein e-post. (©NPK)

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Ingvild Bryn får nynorskprisen for journalistar

Ingvild Bryn er for mange sjølve nynorskrøysta. Etter ei særs variert karriere i NRK kan ho no også smykke seg med tittelen som vinnar...

Lærarutdanningane må ta språkansvar

Lærarutdanningane skal utdanne lærarar for heile landet, og då må alle lærarstudentar, uavhengig av fag, rustast til å vere lærarar i nynorske klasserom. Lærarutdanningane er...

Undersøking: Journalistar med nynorskkompetanse er mangelvare

I ei undersøking om «Nynorsk i avisene» kjem det fram at aviser som bruker begge skriftspråk er positive til meir nynorsk. Samtidig har redaktørane...

Norsk Målungdom har valt ny leiar

Sebastian Vinsent Natvik frå Alver kommune i Vestland er valt som ny leiar for Målungdommen. – Eg er veldig takksam for tilliten til landsmøtet, og...