Heim Nyhende Slik vil Kunnskapsdepartementet skjerpe målbruken

Slik vil Kunnskapsdepartementet skjerpe målbruken

Etter nyttår skal statlege institusjonar rapportere om kor stor del nynorsk og bokmål dei har brukt i 2017.
 

I forkant av rapporteringa ber Kunnskapsdepartementet universitet og høgskular om å skjerpe seg.

Departementet meiner at institusjonane i kunnskapssektoren ikkje tar pålegget om å sikre at begge målformer blir brukt, tilstrekkeleg på alvor. Dei har no sendt ut eit brev der dei varslar at veksling mellom nynorsk og bokmål vil bli tema i styringsdialogen framover, skriv Khrono.

«Språkrådet har tatt kontakt med Kunnskapsdepartementet og gjort oss merksame på at det ser ut som om ein del institusjonar i UH-sektoren har for liten respekt for krava til målveksling som blir stilt i lov om målbruk i offentleg teneste. Den årlege målbruksrapporteringa viser at dei fleste forvaltningsorgan i sektoren vår ligg eit godt stykke frå å oppfylle krava i lova. Nokre institusjonar leverer ikkje rapportar om målbruk til Språkrådet og enkelte overser heilt førespurnader frå Språkrådet,» skriv departementet i brevet.

Førebelse tal som norske universitet og høgskular rapporterte inn til Språkrådet for 2016 viste tidlegare i år at ingen oppfyller mållova. Sidan då har Språkrådet komme med sin endelege rapport ​.

19 av 26 institusjonar leverte rapport, 13 fekk purring for ikkje å ha levert innan fristen, og seks institusjonar leverte ikkje i det heile tatt. (©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Nynorsk teaterjubel i raudgrøn budsjettsemje

– Alle som er glade i nynorsk scenekunst, kan sende ein varm tanke og ei hjarteleg takk til Audun Lysbakken og SV. Det seier leiar...

Ny lærebok vil vise at nynorskopplæring er moderne

Lærarstudentar og norsklærarar som strevar med nynorsk får gjennom ei ny bok høve til å styrkje nynorskkompetansen sin. – Boka er sett saman av ulike...

Vel nynorsk for barnet ditt!

Er du ein av dei mange tusen føresette som veit at dette er siste året i barnehage, og neste haust er det skulestart? Kanskje...

Det nynorske næringslivet foreinar kreftene

Den nye medlemsorganisasjonen Nynorsk bedriftsforum skal vere eit landsdekkande nettverk av og for nynorskbedrifter. Målet er å betre dei språklege arbeidsvilkåra for nynorskbedriftene, slik...