Heim Nyhende Sogn og Fjordane Teater vil bli turnéteater for heile Vestland fylke

Sogn og Fjordane Teater vil bli turnéteater for heile Vestland fylke

– Det er eit signal om kva vi meiner vi kan gjera for å binda saman kunst og kultur i det nye storfylket, seier direktør Margunn Grytten Selvik i Sogn og Fjordane Teater til Nynorsk pressekontor.

Direktøren for Sogn og Fjordane Teater legg til at dei har stor sans for storstova i Hordaland Teater i Bergen. Sjølv om Hordaland Teater også reiser på turné, meiner Grytten Selvik det er mange hordalendingar som ikkje får besøk av nynorskteateret eller reiser til byen for å besøkja det. Ho trur difor det er mange plassar i Hordaland som kan ha glede av at Sogn og Fjordane utvidar turneverksemda si.

Ho seier at planane enno ikkje er konkretiserte, men at dette er noko teateret har spelt inn til eigarane sine, Sogn og Fjordane fylkeskommune og Førde kommune.

Sogn og Fjordane teater har i dag 21 årsverk. Dersom det blir aktuelt å utvida turneverksemda til Hordaland, meiner teaterdirektøren at det er behov for 10–11 årsverk ekstra. Det er bakgrunnen for at teateret har søkt eigarane om 12 millionar ekstra i turneløyving for 2022.

Utvidingsplanane gjer at Sogn og Fjordane Teater også ser seg om etter nye lokale. Tidlegare i år kom det fram at teateret ønskjer å bli ei del av «Nynorskens Hus» i Førde saman med mellom andre NRK, Firda Media og andre verksemder. I samband med behovet for nye lokale har teateret søkt om seks millionar kroner ekstra i tillegg til ekstraløyvinga til utvida turnedrift. (©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Ny lærebok vil vise at nynorskopplæring er moderne

Lærarstudentar og norsklærarar som strevar med nynorsk får gjennom ei ny bok høve til å styrkje nynorskkompetansen sin. – Boka er sett saman av ulike...

Vel nynorsk for barnet ditt!

Er du ein av dei mange tusen føresette som veit at dette er siste året i barnehage, og neste haust er det skulestart? Kanskje...

Det nynorske næringslivet foreinar kreftene

Den nye medlemsorganisasjonen Nynorsk bedriftsforum skal vere eit landsdekkande nettverk av og for nynorskbedrifter. Målet er å betre dei språklege arbeidsvilkåra for nynorskbedriftene, slik...

Unikt Aasen-materiale publisert på nett

Boksamlinga etter Ivar Aasen inneheld omlag 2 500 bøker. I januar i år tok Nynorsk kultursentrum til på arbeidet med å gå gjennom alle...