Fellesstanden til Sogn og Fjordane er kåra til den beste på fiskerimessa til Nor-Fishing, som blei avslutta i Trondheim fredag.
Juryen legg mellom anna vekt på at standen til Sogn og Fjordane hadde eit klårt blikkfang og inviterte til samarbeid og fellesskap. Juryen seier vidare at standen var svært godt besøkt, og at han har vore ein kommersiell suksess.
Til saman 22 fiskeriverksemder i fylket profilerte seg på standen, som hadde ei grunnflate på 157 kvadratmeter.
Messa til Nor-Fishing er ein av dei viktigaste møteplassane for fiskerinæringa og samlar rundt 15.000 besøkjande frå over femti nasjonar. (©NPK)
