Debattredaktøren i Bergens Tidende trur mange redaktørar undervurderer lesarane sine når det gjeld språk.
Namn: Hilde Sandvik
Alder: 39
Jobbar som: Samfunnsredaktør i Bergens Tidende
Bruker sommaren til: Lese, skrive og redigere, pusse opp hytte, for så å nyte verket i solnedgangen med gode vener. Reiser er for hausten.
Bruker du nynorsk i blogg, Twitter, Facebook og i andre sosiale nettverk: Ja
På kva område kunne nynorsken vore meir synleg: I VG, Dagbladet og Aftenposten, men på ein usynleg og naturleg måte, fordi det bør vere normalt å lese nynorsk.
Bør aviser som ikkje tillet båe målformer som redaksjonsspråk få pressestøtte: Eg trur på den einskilde redaktørens valfridom, men finn det underleg at enkelte redaktørar tilsynelatande trur at dei ville ha mista lesarar om dei slepte til nynorsk. Eg trur dei undervurderer lesaren.
Har det noko å bety for deg om bøker og aviser er på nynorsk og/eller bokmål: Det tyder noko for meg at det finst god litteratur og gode aviser og det ville ha tydd noko for meg personleg om eg ikkje hadde hatt høve til å bruke den målforma som eg formulerer meg best i.
Kvifor nynorsk: Kvifor bokmål? Det var språket eg fekk då eg var lita jente. Det er ein del av meg.
