Heim Nyhende Statsbudsjettet får dramatiske konsekvensar for LNK

Statsbudsjettet får dramatiske konsekvensar for LNK

– Regjeringa spenner bein under suksessrike nynorske barne- og ungdomssatsingar på nett og språkkurs i kommunar når dei vil kutta ut støtta til Landssamanslutninga av nynorskkommunar.

Dette seier styreleiar for Landssamanslutninga av nynorskkommunar (LNK) Solfrid Borge.

I 2014 fekk LNK 1.088.000 kroner i støtte over statsbudsjettet. I framlegget til statsbudsjett for 2015 har Regjeringa kutta all støtte.

– Dette får dramatiske konsekvensar for heile drifta til organisasjonen, seier styreleiar Solfrid Borge.

Kuttar all støtte til nynorsk-suksessar
LNK står blant anna bak drifta av den nynorske nyhende- og debattavisa for unge, Framtida.no, som er det einaste nasjonale nyhendetilbodet på nynorsk for unge.

– Økonomisk støtte frå LNK har vore heilt avgjerande for Framtida.no. Det har gjort oss i stand til å veksa og koma der me er i dag, med aukande tal lesarar, journalistar og inntekter, seier redaktør i Framtida.no, Svein Olav B. Langåker.

Dersom all støtte blir kutta, må LNK også seia opp avtalen med Magasinett og Pirion, som er viktige nynorske tilbod i skulen og barnehage, både for dei som har nynorsk som hovudmål og sidemål.

– Dette strir mot målet i regjeringserklæringa om å gjera sidemålsopplæringa meir engasjerande, seier LNK-styreleiar Solfrid Borge.

– Åtak på nynorske barn og unge
Karl Peder Mork, leiar i Norsk Målungdom, meiner kuttet i støtta til LNK er eit åtak på nynorske barn og ungdom.

– Det er eit ganske vanvittig framlegg, og eit åtak på barn og unge sine høve til å få lesa nyhende på nynorsk. Eg klarar ikkje å forstå argumentet for kuttet, seier Mork.

Då kulturminister Thorhild Widvey vitja Sogn og Fjordane i vår erkjente ho at kommunereforma kunne få konsekvensar for nynorsken.

– Det er ille at regjeringa vil kutta heile løyvinga til Landssamanslutninga av nynorskkommunar no når alle kommunar skal drøfta si eiga framtid, seier styreleiar i Nynorsk kultursentrum, Lodve Solholm.

Landssamanslutninga av nynorskkommunar har 103 kommunar og fire fylkeskommunar som medlemmer.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Alt gjer seg betre på nynorsk

Prisvinnar Øystein Furevik gir folk nynorsk i ei verd prega av engelsk. For han er nemleg alt betre på nynorsk. – For meg er nynorsk...

Nynorsk kultursentrum stiller opp for Det Norske Teatret

Det Norske Teatret troppa opp på Festspela for å lansere si nye kampanje for å tette finaniseringsgapet som har utvikla seg samanlikna med Nathionaltheatret....

Nynorsk barnelitteraturpris til Markus Lantto og Camilla Kuhn

Forfattar Markus Lantto og illustratør Camilla Kuhn har fått Nynorsk barnelitteraturpris 2022 for boka Kåre og Marimba hjelper til gjeven ut på Samlaget. – Juryen...

Ber storsamfunnet syta for at retten til eige språk og kultur er reell

Landstinget til LNK Nynorskkommunane kom med støtte til samar, kvener, norskfinnar og skogfinnar. – Me i LNK Nynorskkommunane var samla til landsting same dag som...