Heim Nyhende Større kommunar skal få meir å gjere

Større kommunar skal få meir å gjere

Kommunalminister Jan Tore Sanner (H) vil gje kommunane meir makt. No skal dei få ansvar for tenner og hjelpemiddel.

 

– Med større kommunar må det bli mindre statleg detaljstyring. Det har vore ein viktig premiss, både frå ekspertgruppa og frå KS, seier Sanner til NTB.

Regjeringa la fredag fram stortingsmeldinga om kva for oppgåver som kan flyttast til kommunane i samband med kommunereforma.

Sanner vil blant anna gje kommunane ansvaret for tannhelse, rehabilitering og hjelpemiddel.

– Tannhelse er eit godt eksempel på kva vi ønskjer å oppnå, nemleg at kommunane skal tilby eit meir heilskapleg tilbod, seier kommunalministeren.

Test deg sjølv: Kva slagord har kommunen?

Sterkare lokalsamfunn
Statsminister Erna Solberg (H) seier at det handlar om betre velferd og levande lokalsamfunn.

– Dette vil vere den største samla flyttinga av oppgåver til kommunane nokosinne. Vi ønskjer sterkare lokalsamfunn og kommunar med fleire oppgåver som kan gje innbyggjarane betre tenester. Innbyggjarane får best hjelp når kommunane kan sjå heilskapen i behovet, seier statsministeren i samband med framlegginga av forslaget til regjeringa.

Spreie makt
For Sanner er maktspreiing ein hovudingrediens i heile reforma.

– Dei siste tiåra har den statlege styringa gradvis vorte meir detaljert. Mange lokalpolitikarar føler dei har svært lite handlingsrom. Vi gir no kommunane fleire oppgåver. Det inneber at vi spreier makt, seier han til NTB.

Blant anna vil regjeringa gje kommunane meir å seie i reguleringssaker og forenkle og redusere klagetilgangen.

– I tillegg skal vi gå gjennom all statleg detaljstyring med tanke på å gje kommunane meir handlingsfridom. Denne gjennomgangen skal leggjast fram for Stortinget våren 2017, seier Sanner.

LES OGSÅ: NHO: 100 kommunar er realistisk

– Romantisk Vedum
Kommunal- og moderniseringsministeren fnyser av Senterparti-leiar Trygve Slagsvold Vedum, som i eit intervju med NTB i forkant av landsmøtet denne helga viste til ei undersøking som fortel at folk i små kommunar er meir nøgde med tenestetilbodet enn folk i større kommunar.

– Det relevante i den undersøkinga er ikkje storleiken, men økonomien til kommunane. For oss er oppgåva å lage sterke fagmiljø innan barnevern, PPT, eldreomsorg og så vidare. Vedums romantiske draum om å behalde ein kommunestruktur frå 1965 er derimot oppskrifta på framleis sentralisert makt i Noreg, seier Sanner.

Tre nivå
Det blir no opp til Stortinget å ta meldinga om oppgåvefordeling vidare. Sanner seier han håpar på ein konklusjon allereie før sommaren.

– Eg ønskjer eit så breitt samarbeid som mogleg. Regjeringa har ein særleg skyldnad overfor KrF og Venstre, og det er jo i samarbeid med dei at regjeringa har konkludert med at det framleis skal vere tre forvaltningsnivå i Noreg, seier Sanner.

I meldinga som vart lagt fram fredag, oppfordrar regjeringa til naboprat også fylka imellom.

– Vi må sjå på kva for oppgåver fylka treng for å kunne vere ein god samfunnsutviklar og danne sterke regionar, sa Sanner til NTB torsdag. Han vil likevel ikkje talfeste kor mange som minimum bør bu i fylka eller regionane i framtida. (©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Kan nokon snart skru av internett?

Internett har tatt kontroll over norske klasserom. Vi må endre den digitale skulekvardagen. Internett har kome for å bli. Det opnar verda og både spreier...

Høgre vil svekkje nynorsken for å styrkje ungdomsskulen

– Ungdomsskulereforma til Høgre er eit dårleg skjult åtak på nynorsken, seier leiar i Noregs Mållag, Peder Lofnes Hauge. Høgre vil fjerne karakteren i skriftleg...

Jorid Lekve Eide blir ny arenaleiar ved Haugesenteret

Jorid Lekve Eide er tilsett som ny arenaleiar ved Haugesenteret i Ulvik. Ho tek over etter Geir Netland som etter 10 år i stillinga...

Aina Basso er årets festivalforfattar på Falturiltu

Aina Basso har turnert landet rundt med spennande formidlingar og til hausten vil Falturiltu løfta fram heile forfattarskapen hennar under årets tema: FAKTISK og...