Heim Nyhende Stort fleirtal for storkommunar

Stort fleirtal for storkommunar

Men enno fleirtal mot kommunesamanslåing i småkommunane.

 

I ei ny meiningsmåling svarar 52 prosent at dei er positive til kommunesamanslåingar. Berre 27 prosent seier dei er negative.

Det viser ei undersøking meiningsmålingsbyrået Respons har gjort for Bergens Tidende om endringar i kommunestrukturen. 21 prosent av dei spurde seier dei ikkje har gjort seg opp noko meining i saka.

Heile 53 prosent svarar at dei er positive til samanslåing i sin eigen kommune.

– Dette er ei gledeleg tilbakemelding frå innbyggjarane. Og det stemmer godt overeins med det inntrykket eg har etter å ha reist Noreg frå nord til sør og aust til vest. Eg opplever at innbyggjarane er opne for den prosessen som er sett i gang. I dag bur folk i ein kommune, arbeider i ein annan og handlar i ein tredje. Kommunane har vakse ut av grensene vi har i dag, seier kommunalminister Jan Tore Sanner (H).

Regjeringa planlegg å leggja fram ein samla proposisjon til Stortinget om ny kommunestruktur våren 2017. Det blir teke sikte på at samanslåingane skal vera sette i verk seinast frå 1. januar 2020.

Men meiningsmålinga viser også at regjeringa har ein del å arbeida med. Blant innbyggjarar i kommunar med under 10.000 innbyggjarar er det framleis eit knapt fleirtal mot samanslåing.

Folk er også skeptiske til hovudargumentet til regjeringa om at større kommunar vil gje eit betre tenestetilbod til innbyggjarane sine. Her svarar 33 prosent at dei ikkje trur det blir noko endring, medan 29 prosent trur tenestetilbodet blir dårlegare. Berre 26 prosent trur det blir betre.

– Dette viser at argumenta frå sentralt hald ikkje har nådd gjennom endå, seier Thore Gaard Olaussen i Respons. (©NPK)

NYNORSK INSPIRASJON

SPRÅKBRUKSPLANAR

Meir enn 30 av LNK sine medlemskommunar har vedteke eigne språkbruksplanar – eller målbruksplanar som dei ofte vart kalla før. Dei fleste planane byggjer...

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

MEST LESE

Strategi for Nynorskkommunane (LNK) 2025-2029

Landstinget vedtok ny strategi for Landssamanslutninga av nynorskkommunar – LNK. Strategien bygger på prinsipprogrammet til LNK: • LNK skal leggja til rette for at medlemene kan vera...

Jubileumsfeiringar, sterke stemmer og sommarstemning under Festspela

Festspela 2025 vart ei levande og meiningsfull markering av nynorsk språk og kultur. Med fantastisk sommarvêr, sterke kulturopplevingar og eit engasjert publikum, er det...

– No er vi klare for Festspela!

– Vi gler oss til å ta imot gjestar i alle aldrar til ein levande og samlande festival, seier festspelsjef og konstituert arenaleiar Ida...

Fråsegn frå landstinget til LNK: – Kommunane må få dekkja kostnadene til språkdelte klassar

Landstinget til LNK kjem med klart krav til at kommunane må få dekkja dei kostnadene dei har til språkdelte klassar i ungdomsskulen. Etter den nye...