Heim Nyhende SV vil ha femåringar på skulebenken

SV vil ha femåringar på skulebenken

Kunnskapsminister Bård Vegard Solhjell (SV) vil ha obligatorisk, gratis førskule for alle femåringar.
– Vi har undervurdert gleda ungane har ved å lære. Denne reforma vil gi alle femåringar moglegheita til å bryne seg på grunnleggjande omgrep, tal og sosiale ferdigheiter, seier kunnskapsministeren til Dagbladet.

Tilbodet skal bli gitt i barnehagen og vere på minst 12 timar i veka heile året før dei byrjar i grunnskulen.

– Eg har tenkt mykje på korleis vi bør utforme dette tilbodet, men eg er open for å diskutere andre løysingar. Eg ser fram til ein debatt om korleis vil skal gi barna best mogleg start på læring og utvikling, seier Solhjell.

Bakgrunnen for forslaget er at altfor mange barn går ut av skulen utan grunnleggjande kunnskapar. Førskule vil gjere det lettare å fange opp lærevanskar enn i dag.

Ein bieffekt av forslaget er at barnehageplassen for femåringar blir langt billegare for foreldra enn i dag. Departementet anslår at det vil koste om lag 600 millionar kroner for 12 timars førskule. Om SV får gjennomslag for 20 timar i veka, vil barnehagesatsane bli halvert for femåringane. (©NPK)

NYNORSK INSPIRASJON

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

MEST LESE

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Nynorskhuset: Det nye, nynorske fyrtårnet

Denne helga opnar Nynorskhuset i Førde. Målet er rett og slett å bli eit nasjonalt kraftsentrum for språk og kultur. – Sogn og Fjordane er...

Nynorskbrukarar flest kjenner seg aksepterte og stolte – men 1 av 6 har fått negative tilbakemeldingar det siste året

Over 16 prosent av nynorskbrukarane har fått negative tilbakemeldingar for språkbruken sin det siste året. To tredjedelar av nynorskbrukarane er heilt einige i at dei...

Slutten for Ålesund som nynorskkommune: – Frykteleg synd

Ålesund har vore den største nynorskkommunen i landet sidan 2019. No vil det nyvalde fleirtalet i kommunestyret at kommunen skal bli språknøytral. Det skriv NRK...