I dag er det urpremiere på dramatiseringa av Olaug Nilssen sin roman Vi har så korte armar på Det Norske Teatret.
Regien er ved Marit Moum Aune, og blant skodespelarane vinn vi Audun Sandem, Marianne Krogh, Silje Storstein, Niklas Gundersen og Kristin Grue. Handlinga i Vi har så korte armar er lagt til den fiktive bygda Skoddeheimen kor hovudpersonane Liv og Ølgjer balar med seg sjølve og bygda. «Humoren er rå, tårene er salte, sorga er stor (…), sa litteraturkritikar Martha Norheim i NRK då ho omtalte boka i 2002.
Det er tredje gong Nilssen sine tekstar hamnar på teaterscena. Frå før har ho vore med som tekstforfattar i opsetjinga Skyfri himmel på Rogaland teater i 2006. I 2007 vart boka hennar Få meg på, for faen dramatisert ved Det Norske Teatret med Pia Tjelta i ein av hovudrollene.
