Heim Nyhende Treng fleire kandidatar

Treng fleire kandidatar

Berre tre kommunar har søkt om å få bli Årets nynorskkommune 2010, fortel Kommunal- og regionaldepartementet. No får kommunane ein ny sjanse.

Fristen for å søke gjekk ut torsdag 16. september, men no har departementet vedteke å utsetje fristen til 10. oktober.

– Eg veit at det er mange fleire gode kandidatar i Kommune-Noreg og at mange driv aktiv og god jobbing for å styrke nynorsken. Difor utset me fristen , seier statssekretær Dag-Henrik Sandbakken i KRD til LNK-nytt.

Også i fjor måtte søknadsfristen forlengast.

– Mitt inntrykk er at ein del kommunar stiller for strenge krav til seg sjølve og trur at det er uoppnåeleg for dei å få ein slik pris. Slik er det ikkje. Stord vann i fjor og er eit godt eksempel på ein kommune som jobbar aktivt med god nynorsk, seier Sandbakken.

Prisen for Årets nynorskkommune vart innført i 2009 og skal gå til  ein kommune som har nynorsk som formell målform og som gjennom aktiv bruk av nynorsk har gjort ein særskild innsats for å fremje nynorsk som skriftmål. Prisen er på 100 000 kroner og blir delt ut i løpet av november. Juryen som skal avgjere kven som får prisen består av:

  • Vidar Høviskeland, Landssamanslutninga for nynorskkommunar (LNK)
  • Gunn Berit Gjerde, fylkestingsrepresentant (V) i Møre og Romsdal
  • Rune Hetland, Landslaget for lokalaviser (LLA)
  • Sigfrid Tvitekkja, Språkrådet
  • Eli Johanne Lundemo, Kommunal- og regionaldepartementet.

 

NYNORSK INSPIRASJON

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

Voss herad er Årets nynorskkommune: – Det same som verdsmeister i nynorsk

Kulturdepartementet heidrar Voss herad for klar og tydeleg informasjon på nynorsk under koronakrisa. – OL-og VM-medaljer har me i bøtter...

Fem bibliotek kan bli nynorskfyrtårn

På landsmøtet i Noregs Mållag i helga lanserer direktør i Nynorsk kultursentrum Per Magnus Finnanger Sandsmark ei ny satsing på nynorskformidling i...

Tips til digital litteraturformidling på nynorsk

Kreativiteten i den digitale litteraturformidlinga blømer i desse koronatider! Utlånet av digitale bøker har auka dramatisk etter at biblioteka stengde. Her har me samla fleire tips...
Foto: Colourbox

Her finn du digitale skuleressursar på nynorsk

Her får du hjelp til å finna digitale ressursar på nynorsk til bruk i skulen. Stengde skular og digital heimeskule viser kor viktig det...

MEST LESE

Godt å møtast til festspel igjen

Festspelpublikummet i Ørsta og Volda fekk høyre og sjå programpostar med både Hallstein Bronskimlet, bibelspråk, konspirasjonsteoriar, frisk popmusikk og eksperimentell tango.

Tydde til sivil ulydnad etter manglande nynorsk i Heimevernet

Etter ni år med førespurnader om korrespondanse på nynorsk, rann begeret over for heimevernsoldat Erlend Trones (40). Då innkallinga...

Nynorsk litteraturpris til Tore Renberg: – Kan få lesarane i den nye tida til å elska litteratur

Tore Renberg får Nynorsk litteraturpris 2020 for romanen «Tollak til Ingeborg». – Det har vore forløysande for meg å...

På jakt etter føregangskommunar på lokaldemokrati

Kommunar over heile landet er oppfordra til å søkje om å bli føregangskommune innan lokaldemokrati. – Dette er ikkje...