Utfordrande arbeidsoppgåver er avgjerande for eit godt arbeidsliv. Det meiner nesten tre av fire leiarar i ei undersøking gjort av Handelshøyskolen BI.
I undersøkinga vart 830 leiarar og mellomleiarar i private og offentlege organisasjonar spurde, og 55 prosent av dei som svarte meinte eit tydlege skilje mellom privatliv og arbeidsliv også er naudsynt for å ha det bra i jobben. God leiing og ein interessant og meiningsfull jobb kom på tredje og fjerdeplass på lista over kriteria for eit godt arbeidsliv.
Føremålet med undersøkinga er å avdekke korleis vi gjer jobben vår best og korleis vi føretrekk å lære. Meir enn kvar fjerde leiar meiner dei lærer mest av å samarbeide med kollegaer og gjere praktiske arbeidsoppgåver. Berre 13 prosent meiner dei lærer mest gjennom formell utdanning og faglitteratur.
