Venstre-leiar Trine Skei Grande meiner nynorskfolket ikkje har noko å frykte med ei blå-blå regjering.
– Me meiner ikkje at det var det beste som kunne skje at dei to politiske partia som har dei dårlegaste nynorskvedtaka no danner regjering, seier leiar Marit Aakre Tennø i Noregs Mållag til Kulturnytt på NRK P2.
Samarbeidsavtalen som dei blåblå regjeringspartia har inngått med Venstre og KrF nevner ikkje sidemål med eit ord. Likevel trur ikkje Venstre-leiar Trine Skei Grande at nynorskfolket har noko å frykte.
– Grunnen til at det ikkje ligg noko i avtalen, er at dette er det brei semje om i Stortinget. Me kjem til å følgje den språkmeldinga eg var saksordførar for i det førre Stortinget, der var det stor semje om dei aller fleste punkta, seier Venstre-leiaren til Kulturnytt.
