Heim Nyhende Utvalet som skal foreslå ny vallov snart i sving

Utvalet som skal foreslå ny vallov snart i sving

Utvalet som skal lage forslag til ny vallov og vurdere endringar i den norske valordninga, har sitt første møte 16. oktober.

 

– Eg oppfattar mandatet slik at vi har frie taumar til å sjå på alt. Det er veldig mange kryssande omsyn å ta, men eg ser ikkje vekk frå at sperregrensa også er noko vi må sjå på, seier utvalsleiaren, lagdommar Ørnulf Røhnebæk, til Dagsavisen.

Han seier at det er svært mange omsyn som må takast.

– Ein kan jo tenkje heile Noreg som éin valkrets, men då fekk ein jo ikkje distriktsmandata. Arbeidet vi skal gjere blir ei utfordring, seier Røhnebæk.

LES OGSÅ: Raudgrønt og MDG vann med over 10000 stemmer

Øyvind Strømmen, journalist og MDG-politikar, sit i vallovutvalet. Foto: Wikipedia.

Øyvind Strømmen er journalist og MDG-politikar frå Hordaland og sit også i vallovutvalet.

– Det kan jo oppfattast som å gråte for si eiga sjuke mor, men eg synest jo det er naturleg å ta opp i utvalet ting som kan gi skeive utslag, som sperregrensa og distriktsmandatfordelinga. Det er jo ingen løyndom at Oslo er underrepresentert, for eksempel. Dette er diskusjonar vi bør ta, seier han.

I valet i år fekk SV drygt 175.000 stemmer og elleve stortingsrepresentantar.

Venstre og KrF fekk høvesvis 122.000 og 127.000 stemmer, og får åtte stortingssete kvar. Raudt og MDG fekk høvesvis 70.000 og 94.000 stemmer og berre éin representant kvar.

Utvalet har frist til utgangen av 2019 med å legge fram forslag til ny vallov.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Nynorsk teaterjubel i raudgrøn budsjettsemje

– Alle som er glade i nynorsk scenekunst, kan sende ein varm tanke og ei hjarteleg takk til Audun Lysbakken og SV. Det seier leiar...

Ny lærebok vil vise at nynorskopplæring er moderne

Lærarstudentar og norsklærarar som strevar med nynorsk får gjennom ei ny bok høve til å styrkje nynorskkompetansen sin. – Boka er sett saman av ulike...

Vel nynorsk for barnet ditt!

Er du ein av dei mange tusen føresette som veit at dette er siste året i barnehage, og neste haust er det skulestart? Kanskje...

Det nynorske næringslivet foreinar kreftene

Den nye medlemsorganisasjonen Nynorsk bedriftsforum skal vere eit landsdekkande nettverk av og for nynorskbedrifter. Målet er å betre dei språklege arbeidsvilkåra for nynorskbedriftene, slik...