Søkjartala til Høgskulen i Volda har auka med 10 prosent samanlikna med 2009.
– Vi har fått ein stor auke i søkinga til bachelorutdanningane innan kulturfag, spesielt innan musikk og drama. Dette er også eit viktig satsingsområde for Høgskulen i Volda, og medan andre høgskular legg ned desse faga, styrkjer vi faga – noko som er viktig for samfunnet, for kulturskulane og for skuleverket, seier rektor Jørgen Amdam til høgskulen sin eigen nettstad.
Amdam legg vekt på at nedgangen i talet på søkjarar til medieutdanningane er lågare enn den er nasjonalt. På Høgskulen i Volda er nedgangen i søkjarar til mediefag 5 prosent.
– Men vi har meir enn dobla søkjartala til Bachelorgradssstudiet i PR, kommunikasjon og media, seier Jørgen Amdam.
Talet på søkjarar til grunnskulelærarutdanninga er stabilt, medan ein har hatt ein liten nedgang i søkjarar til førskulelærarutdanninga. I 2010 har Høgskulen i Volda over 3500 studentar. Dette er ei auke på omlag 1500 studentar på ti år.
