Arbeidsinnvandrarar vil halde fram med å koma til Noreg, trass i stigande arbeidsløyse her i landet.
Dei neste tre åra er det venta 100.000 nye arbeidsinnvandrarar til Noreg, ifølgje Statistisk sentralbyrås (SSB). SSB la nyleg fram prognosar som peikar i retning av 4,6 prosent ledige – 120.000 – i 2010.
Samtidig trur SSB at arbeidsinnvandringa vil halde seg høg, skriv Dagsavisen.
Årsaka er at sjølv om finanskrisa gir auka arbeidsløyse i Noreg dei komande åra, er det venta at andre land blir hardare ramma.
SSB-forskar Torbjørn Eika understrekar at prognosane er usikre, men seier:
– Nokre vil nok dra, men fleire vil koma. Vi vil framleis ha netto arbeidsinnvandring i åra som kjem. (©NPK)
