Heim Nyhende Vil ha felles språkplan for barnehage og skule

Vil ha felles språkplan for barnehage og skule

Prosjektgruppa for språkprosjektet ”Språkmiljø og språkstimulering i barnehagen” på Stord rår til at det vert utarbeida ein felles språkplan for barnehage og skule.

Fagleg rådgjevar for språkprosjektet som vart gjort i perioden frå 2008 til 2010, Atle Bjørn Mæhle, skriv i ein artikkel på utdanning.no at ein i prosjektet har erfart at systematisk, gjennomtenkt og kunnskapsbasert arbeid med språket er nyttig og viktig for barna. Språkleg står barna betre rusta når dei startar i skulen. Det gjeld både dugleik i å bruka språket og det gjeld ordforrådet. Samarbeid mellom barnehage og skule i overgangen mellom barnehage og skule vert viktig. Prosjektet rår til at kommunen arbeider ut ein plan for systematisk arbeid med språk, språkmiljø og språkstimulering i barnehage og skule.

I referansegruppa var mellom anna Nils Tore Økland, Høgskulen Stord/Haugesund, Elin Sletten, PP-tenesta Stord/Fitjar og Bjørnar Withbro, Stord Folkebibliotek.

I prosjektet deltok fem barnehagar og prosjektet gav deltakarane kunnskapar om språk, språkutvikling og språkarbeid. Barnehagane gjennomførte tiltak i praksis og gjorde erfaringar som er i tråd med grunnleggjande språkteori når ein ynskjer å få til eit utviklande og godt språkmiljø, skriv Mæhle. I forprosjektet valde kvar av dei fem prosjektbarnehagane ut punkt frå plakaten «Språkutvikling i barnehagen. Kjenneteikn på kvalitet» som dei tykte var interessant å arbeida spesielt med. Dei skaffa seg kunnskapar om det dei hadde valt, prøvde ut, utvikla og fann ut kva som fungerte godt.

Prosjektet har utarbeidd informasjonsfaldaren «Korleis stimulera til god språkutvikling hos barn». I faldaren får føresette tips og idear om kva dei bør passa på og kva dei kan gjera for å gje barnet ei god språkutvikling.

Les meir om prosjektet på utdanning.no

NYNORSK INSPIRASJON

SPRÅKBRUKSPLANAR

Meir enn 30 av LNK sine medlemskommunar har vedteke eigne språkbruksplanar – eller målbruksplanar som dei ofte vart kalla før. Dei fleste planane byggjer...

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

MEST LESE

– Éin nynorskmillion er ikkje nok

– Det er avgjerande at Teater Vestland får auka tilskot i ei krevjande tid, men Støre-regjeringa har samla sett ikkje levert godt nok for...

Jublar over nynorskstøtte

Nynorsk bedriftsforum er tildelt 950 000 kroner frå spelemidlane for 2025. Midlane er fordelte av Kultur- og likestillingsdepartementet og skal gå til vidare utvikling...

Trond (39) er tilsett i LNK – skal styrka nynorsk i skulen i Rogaland

Landssamanslutninga av nynorskkommunar har tilsett Trond Salte (39) for å få fart på prosjektet «Meir mål på Jæren». – Det er makelaust gildt! seier Trond...

Årsrapport for LNK 2023–2024

Annakvart år, i samband med årsmøtet og landstinget i LNK, legg organisasjonen fram ei fyldig årsmelding og revidert rekneskap for dei siste to driftsåra....