Heim Nyhende Vil ha Nordmannen inn i skulen igjen

Vil ha Nordmannen inn i skulen igjen

Musikkprofessor Jon-Roar Bjørkvold fryktar at songen er i ferd med å forsvinne frå skuleverket.

 Tidlegare starta mange skuledagen med song, men no fryktar Bjørkvold at songen sakte men sikkert er i ferd med å gli ut av skulen, skriv NRK.

– Når eg er ute og føreles, klagar folk. Dei seier at det blir sunge for lite i skulen og folk er veldig, veldig bekymra, fortel professor i musikk ved Universitetet i Oslo Jon-Roar Bjørkvold til NRK.

Han meiner song handlar om å skape identitet og fryktar barn går glipp av noko viktig når songen blir vekkprioritert.

– Kunnskapssynet er så smalt og rasjonelt forankra at styresmaktene ikkje forstår at barn lærer gjennom kjensler, kropp og rørsle. Det er jo barnets oppskrift til å vere og derfor er songen så viktig, seier Bjørkvold.

Bjørkvold saknar tradisjonelle songar som for eksempel «Nordmannen» av Ivar Aasen og meiner at kunnskapssynet må endrast.

– Songen må sjåast som noko viktig og essensielt, og ikkje berre noko koseleg. Det er vår identitet det handlar om, seier han.

Professoren har nyleg gitt ut boka «Grunntonen – små sanger, mektige spor». Boka handlar om korleis song samla folket etter terrorangrepa 22. juli 2011.

Les også om då gutane på asylmottaket høyrte norsk musikk for første gong.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Frieriet i Todalen – kva skjer med Vangsgutane no?

Vi har intervjua tekstforfattar Kjartan Helleve om dei siste hendingane rundt teikneseriefigurane Vangsgutane, som kom fram i siste utgåva om dei ved juletider. Faste...

Gratis nettseminar: Korleis kan me hindra språkbyte i vidaregåande skule?

Torsdag 23. mars arrangerer Nynorsksenteret eit gratis nettseminar om korleis ein kan hindra at elevar skiftar frå nynorsk til bokmål. Molde vidaregåande har teke nokre...

Inviterer til å tolke Dolly og Johnny på nynorsk eller dialekt

Dolly Parton og Johnny Cash på nynorsk eller dialekt. No blir ein ny gjendiktingskonkurranse kunngjort. Inspirert av suksessen med å be om slike tolkingar av...

Fleirtal for nynorsk i Telemarkskommune

Etter ei rådgivande folkerøysting i Hjartdal går eit fleirtal inn for å behalde nynorsk som hovudmål på offentleg skule i kommunen. Nynorsk fekk 189 stemmer,...