Kommunane får 5,7 milliardar kroner, eller 1,7 prosent, meir til omsorg og velferd neste år. Dessutan vil regjeringa gi kommunane råderett over 29 milliardar kroner av tidlegare øyremerkte midlar.
Den reelle veksten i kommuneøkonomien frå i år til neste år blir på 1 prosent, ifølgje budsjettforslaget, rekna ut frå forventa skatteinngang og andre inntekter til kommunane.
I budsjettforslaget seier regjeringa at overføringa av 29 milliardar øyremerkte kroner til rammetilskotet er den mest omfattande omlegginga av øyremerkte midlar sidan det kommunale inntektssystemet vart innført i 1986.
Overføringane til kommunar og fylke totalt utgjer 164 milliardar kroner, eller 17 prosent av statsbudsjettet. (NPK-NTB)
