Heim Nyhende - Vis fram jobbane

– Vis fram jobbane

KS startar no opp eit omdømmeprosjekt for å vise fram kommunen som ein god arbeidsgivar. Ein av kommunane som deltek, er Lom.

 

 

Målet med prosjektet er å få vist fram kommunane som attraktive arbeidsgivarar. 40 kommunar og fylkeskommunar søkte om å delta i omdømmeprosjektet.

– Det viser at det er ei stor interesse for dette blant medlemmane våre. Mange av dei har også allereie omdømmebygging på dagsordenen, seier prosjektleiar i KS, Åsbjørn Vetti, og legg vekt på at det no blir viktig å hauste erfaringar som også kan overførast til andre kommunar.

Prosjektet skal fylgje dei åtte prosjektkommunane gjennom eit år. Blant anna skal det arrangerast ulike fagseminar for dei utvalde kommunane, samstundes som det skal etablerast ein ressursbase på nett.

Må rette ryggen

– Kva trur du er noko av det viktigaste kommunane tek tak i ?

– Eg trur mange har eit påtrengande behov for å jobbe med korleis dei framstiller eigen kommune på eigne nettsider. Mange av kommunane er flinke til å skrive om den flotte naturen dei har, eller fordelane med å bu i kommunen. Færre er flinke til å skrive om dei ledige jobbane og om kommunen som arbeidsplass. Vis fram jobbane, slår Vetti fast.

Han legg også vekt på at det er viktig med organisasjonsidentitet når ein skal byggje omdømme.

– Kommunen må spørje seg om kva oppgåver dei har, og kva resultat dei får av arbeidet. Det handlar om å rette ryggen og vere bevisst på kven ein er. Dei fleste av dei som arbeidar i kommunane, meiner jo at kommunen er ein god arbeidsplass. Ute blant publikum er det diverre eit inntrykk av at kommunen er tungrodd og byråkratisk mange stadar.

God merkevareklang

Prosjektleiaren viser til at mange kommunar har ei brei interesse for å arbeide systematisk med omdømme. Når året er omme, håpar han prosjektet har klart å få fram gode verktøy kommunane kan bruke, og at arbeidet har fått gode ringverknadar, også for andre enn dei åtte prosjektkommunane.

– Målet er at kommunane blir flinke til å vise fram kvalitetar som arbeidsgivar, seier han og trekkjer fram Lom kommune som ein av dei som alt har satsa mykje på omdømmebygging.

– Lom var tidleg ute med å definere omdømmearbeid som eit satsingsområde. Kommunen har ein god merkevareklang som kjem til uttrykk på mange måtar. Og eit fokus frå ulike media på både folk, hendingar og miljø har bevisstgjort kommunen slik at vi har starta omdømmearbeid, seier ordførar i Lom, Simen Bjørgen (Sp).

Han legg vekt på at eit positivt omdømme er viktig for å bli attraktiv som arbeidsstad og arbeidsgivar.

– Me er ei reiselivsbygd og veit at positivt omdømme skapt av gjester som har vore på vitjing hjå oss, og som talar positivt om oss, er trafikkskapande i neste omgang. Det er eigentleg heilt elementært. Utfordringa blir då å setje dette i system og arbeide bevisst med dette over tid.

Omdømmebygging er eit av tre hovudsatsingsområde i kommuneplanen til Lom, og dei fekk i 2008 Fylkesmannen i Oppland sin fornyingspris.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Den nye opplæringslova er ikkje god nok for nynorskelevane

Fredag 24. mars 2023 la Tonje Brenna fram forslag til ny opplæringslov. Norsk Målungdom synest det er fleire gode framlegg for nynorskelevane, men at...

Målblome til ålesundordførar Eva Vinje Aurdal

– Norske kommunar er viktige språkaktørar, og mellom 356 nyansar av kommunegrått har språket vårt både bøller og bestevener. Midt i det grå står...

LNK om ny opplæringslov: – Stortinget må sikra meir nynorsk i skulen

Nynorskkommunane (LNK) er glad for at regjeringa vil lovfesta at skulen skal ha skriveprogram som støttar nynorsk, men meiner lova må oppdaterast for å...

Mållaget: – Ny opplæringslov forsterkar den digitale læremiddelkrisa for nynorskelevane

– Situasjonen i nynorskklasseromma er alvorleg. Det sit over 73 000 nynorskelevar ved pultane sine og må bruke digitale læringsressursar på feil språk, seier...