Heim Nyhende Widvey vil sjå på eiga språklov

Widvey vil sjå på eiga språklov

Venstreleiar Trine Skei Grande etterlyser ein klar språkpolitikk frå regjeringa. Kulturminister Thorhild Widvey vil no sjå på moglegheita for ei ny språklov.

I stortingssalen tysdag fekk kulturminister Thorhild Widvey spørsmål om språkpolitikk frå venstreleiar Trine Skei Grande.

Grande etterlyste ei oppfølging av den omfattande språkmeldinga, som blei drøfta i Stortinget i 2009. Der blei det gitt tilslutning til meir enn 100 prioriterte tiltak.

Det er framleis tiltak som ikkje er sette i gang, mellom anna etableringa av ei eiga språklov.

Gjennomgang av norskfaget
– Det er enkelte språkpolitiske referansar i regjeringsplattforma, men det er ikkje klart kva for ein heilskapleg språkpolitikk regjeringa vil føra. På kva måte vil statsråden følgja opp den gjeldande språkmeldinga, spurde Skei Grande i interpellasjonen sin til kulturministeren.

Kulturminister Thorhild Widvey svarte at Kulturdepartementet no vil sjå på moglegheita for å laga ein mest mogleg heilskapleg språklov.

– Det er eit arbeid me vil prioritera, sa ho.

Widvey varsla òg ein gjennomgang av heile norskfaget for å styrkja det som språkfag og for å gjera sidemålsundervisninga meir engasjerande for eleven.

– Me erkjenner at det er behov for særlege tiltak for å styrkja nynorsken, sånn at elevar skal halda på målforma si. Men me er òg opptekne av at dette må skje gjennom stimulerings- og støttetiltak og ikkje gjennom tiltak som kan ha preg av tvang, sa Widvey.

– Dårleg idé
Skei Grande er kritisk til at regjeringa vil fjerna retten på å få svar på brev på eiga målform i det offentlege.

– Dette er ein rett som regjeringa i erklæringa si vil avvikla. Dette ser eg som ein veldig dårleg idé. Korleis ser statsråden det i forhold til dei viktige vedtaka som er gjort for å likestilla dei to skriftspråka, spurde venstreleiaren.

Widvey understreka at sjølv om regjeringsplattforma varslar at regelen om rett til svar på eiga målform skal erstattast med rett for offentleg tilsette til å bruka eiga målform, seier plattforma samtidig at regjeringa vil støtta opp under begge målformer. (©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Frieriet i Todalen – kva skjer med Vangsgutane no?

Vi har intervjua tekstforfattar Kjartan Helleve om dei siste hendingane rundt teikneseriefigurane Vangsgutane, som kom fram i siste utgåva om dei ved juletider. Faste...

Gratis nettseminar: Korleis kan me hindra språkbyte i vidaregåande skule?

Torsdag 23. mars arrangerer Nynorsksenteret eit gratis nettseminar om korleis ein kan hindra at elevar skiftar frå nynorsk til bokmål. Molde vidaregåande har teke nokre...

Inviterer til å tolke Dolly og Johnny på nynorsk eller dialekt

Dolly Parton og Johnny Cash på nynorsk eller dialekt. No blir ein ny gjendiktingskonkurranse kunngjort. Inspirert av suksessen med å be om slike tolkingar av...

Fleirtal for nynorsk i Telemarkskommune

Etter ei rådgivande folkerøysting i Hjartdal går eit fleirtal inn for å behalde nynorsk som hovudmål på offentleg skule i kommunen. Nynorsk fekk 189 stemmer,...