VG hadde nyleg ein sak om sidemålet på nynorsk. Men ansvarleg redaktør, Bernt Olufsen, legg vekt på at det ikkje vil bli nokon vane.
Det var journalist Frank Ertesvåg som skreiv saka om at eit spesialutval sett ned av Utdanningsdirektoratet ville fjerne sidemålet frå norskeksamen etter tredjeåret på vidaregåande skule på nynorsk, skriv Sunnmørsposten.
Ertesvåg som er frå Sogn og Fjordane, vart glad då redaktør Olufsen kom med oppfordringa om å skrive nynorsk. Men redaktøren meiner dette var eit unntak, og ikkje eit grunnlag for ny språkpolitikk.
– Vi ønsker å halde fram vår linje med eit einheitleg språk med moderat bokmål, fordi vi meiner det fungerer best. Dagens nynorskinnslag i VG var eit tabloid grep. Som nok vil glede dei mange som blir skuffa over innhaldet i artikkelen, seier Bernt Olufsen til Sunnmørsposten.
