Tove Lie går no av som forlagsdirektør i Samlaget.
– Ei totalvurdering av situasjonen i forlaget gjer at eg vel å slutte no. Eg har leda Samlaget gjennom ei rekkje nødvendige endringar, og slikt skapar uro. Eg ønskjer Samlaget alt godt med alle utfordringane dei har, både når det gjeld marknaden på papir og digitalt, bransjesituasjonen, konkurransen om dei gode forfattarane og den viktige jobben med å spreie nynorsk litteratur. Eg vonar at det no vil bli ro og entusiasme i og rundt forlaget, seier Tove Lie i ei pressemelding.
Forlagssjef for Samlaget Utdanning, Tom Skovdahl, vert konstituert i stillinga. Styreleiar Kristin Bjella har respekt for at Lie no vel å gå og ynksjer henne lukke til vidare.
-Tove Lie har vore ein sterk pådrivar for viktige vedtak om satsing framover, seier ho.
