Mariano González Campo har skrive ei bok om norsk grammatikk for spanskspråklege som ønskjer å lære seg norsk, og boka tar for seg både nynorsk og bokmål.
Campo meiner at lesaren får eit meir rett bilde av språket i Noreg når både nynorsk og bokmål er inkludert.
– Eg personleg er tiltrekt av nynorsk fordi dei første nordiske språka eg lærte var islandsk og færøysk, språk som ligg tettare opp til nynorsk enn bokmål, seier han til Spaniaposten.
Campo trur grammatikkverket er interessant for folk som har familie i Noreg eller som ønskjer å arbeide i landet.
