Finn Totland er konstituert som forlagssjef i Samlaget Litteratur til ny forlagssjef er på plass.
Totland tek over etter Margit Walsø som blir direktør i Norla – senter for norsk skjønn- og faglitteratur i utlandet. Finn Totland kjem frå Bømlo i Sunnhordland og har fram til no arbeidd som seniorredaktør i Samlaget i same avdeling.
Søknadsfristen for stillinga som forslagssjef gjekk ut 7. januar, men konstituert forlagsdirektør Tom Skovdahl vil ikkje seia noko om kor mange som har søkt og om prosessen med å tilsetja ny forlagssjef.
– Vi må sjå dette litt i samanheng med den nye situasjonen som har oppstått, seier Skovdahl og siktar truleg til at forlagsdirektør Tove Lie i byrjinga av februar slutta på dagen. (NPK)
