Kommunaldepartementet vil ha kommunane med i ein nasjonal konkurranse for å kåre den vakraste tettstaden i landet.
– Det er rimeleg brei semje om at norske tettstader har ei utfordring når det gjeld estetikk og gode møteplassar, seier kommunalminister Liv Signe Navarsete til Avisenes Nyhetsbyrå.
Navarsete trur reiseliv og turisme vil få att for ei styrking av estetikken, og viser til mellom andre Tyskland og Sveits som gode inspirasjonskjelder.
