Fylkesmannen i Hordaland meiner Os kommune bryt opplæringslova når dei ikkje oppretter bokmålsgrupper i skulen.
Bakgrunnen for saka er klagar frå foreldre og Bokmålsforbundet, som meiner skulane i Os kommune ikkje gir bokmålselevane eit godt nok tilbod. Desse elevane får no fem timar bokmålsundervisning i veka, men det meiner Fylkesmannen ikkje er godt nok, melder BT.no. Ifølgje opplæringslova har elevane rett på å få eigne grupper når 10 elevar eller fleire krev ai anna målform enn hovudmålforma på skulen.
Os kommune seier foreldra ikkje har klaga på deira praksis, men Fylkesmannen slår fast at foreldra aktivt må gje sitt samtykke til at klassane skal vere språkdelte.
Etter at Fylkesmannen no har gjennomført tilsyn og konkludert med at Os bryt krava i opplæringslova, har kommunen frist til 20. august med å svare og rette opp avvika.
