2. mars blir den første Språkgledeprisen delt ut. Du kan føreslå kandidatar fram til 16. januar.
Det er Språkåret, Språkrådet og Norsk Oversetterforening som står bak denne prisen som skal delast ut for første gong i mars, i samband med Oversatte dager 2013. Prisen skal gå til ein person i norsk offentlegheit som på kreativt vis spreier språkleg glede og skapar begeistring for ulike måter å uttrykkje seg på, heiter det. I juryen sit direktør i Språkrådet, Arnfinn Muruvik Vonen, leiar for Språkåret 2013, Inger Johanne Sæterbakk og leiar for Norsk Oversetterforening, Cecilie Winger.
