\
Dei tre nynorskteatra, Det Norske Teatret, Hordaland Teater og Sogn og Fjordane Teater, markerer språkåret med samproduksjonen «Ein god dag kjem aldri for tidleg».
Tanken er å bruka tekstar av nynorske forfattarar og setja saman ei framsyning både av prosa og songtekstar. Teatera omtalar oppføringa som ein leiken kabaret med glitrande pennar, gode songar og kvasse, ironiske replikkar.
Teaterstykket har urpremiere i Bergen torsdag 5. september. I oktober blir stykket spelt på Det Norske Teatret i Oslo. Deretter skal det på turné i Sogn og Fjordane 11. november – 7. desember.
Satsinga fell saman med at Det Norske Teatret fyller 100 år, Hordaland Teater 25 år og Sogn og Fjordane fylke 250 år. (NPK)
