Rådmannen vil betale for at innbyggjarane skal skifta til svensk.
Rådmannen i Pello i Nord-Finland skapte overskrifter da han i byrjinga av juni lovde 50 euro til dei 300 første i kommunen som vil byte morsmål frå finsk til svensk. No har formannskapet vedtatt at kommunen framleis skal ha finsk som einespråk.
Rådmann Sami Baas ønskte å gjere kommunen tospråkleg, slik at Pello kan halde fram det interkommunale samarbeidet med Övertorneå neste år. No ligg det an til at kommunen i staden må gå saman med den finskspråklege kommunen Rovaniemi, skriv den finske avisa Hufvudstadsbladet.
Baas har likevel ikkje gitt opp, og kampanjen held fram. Så langt har rundt 20 Pello-buarar sagt dei kan tenkje seg å byte til svensk. To svensktalande sørfinnar har òg meldt at dei kan tenkje seg å flytte til Pello, som ligg heilt opptil grensa mot Sverige. (©NPK)
