Heim Nyhende Universitets-Noreg vil redda språksamlingane

Universitets-Noreg vil redda språksamlingane

Alle norske universitet ynskjer å delta i arbeidet med å overta det faglege ansvaret for språksamlingane til UiO.

 

Det var før påsken 2014 at leiar for Institutt for lingvistiske og nordiske studium ved Universitetet i Oslo (UiO), Kristian Emil Kristoffersen, gjekk ut med at dei av økonomiske årsaker ikkje lenger kunne ta seg av språksamlingane ved UiO.

Dette omfattar òg arbeidet med Norsk Ordbok, som etter planen skulle verte ferdigstilt i 2014.

Sidan 2002 er det brukt heile 130 millionar kroner på å bli ferdig med det 12 bind store ordbokverket.

LES OGSÅ: UiO vil diskutere språksamlingane og Norsk Ordbok med fleire

Språkfagleg skyts
Nynorsk kultursentrum har engasjert seg sterkt i den usikre framtida for språksamlingane og ordbokprosjektet, og får stadig med seg fleire støttespelarar.

Universitetsavisa Uniforum melder i dag at Universitet i Agder, NTNU i Trondheim og Tromsø er blitt med i samarbeidet om å redde språksamlingane.

Både universiteteta i Stavanger (UiS) og Bergen (UiB) og Høgskulen i Volda er allereie med, i tillegg til Det Norske Samlaget som er utgjevar av Norsk Ordbok.

Universitetet i Bergen har òg synt interesse for å delta i forhandlingar om å overta prosjektet, så sant det kjem med øyremerkte midlar.

Direktør i Nynorsk kultursentrum Ottar Grepstad er svært nøgd med den akademiske tyngda aksjonsgruppa no har fått.

– Me har alle dei store språkfaglege miljøa i Noreg i ryggen og har for eiga rekning laga den utgreiinga som trongst. Det er svært viktig at miljøet er samsnakka i denne saka, men det er Nynorsk kultursentrum som svarar for dei råda me har gitt. No ventar me at UiO i løpet av denne månaden kjem med si endelege tilråding til kva som bør skje med språksamlingane, seier Ottar Grepstad til Uniforum.

Stortinget har løyvd 3,7 millionar kroner til å ferdigstille det tolvte bandet av Norsk Ordbok, men UiO vil verken ha pengane eller ansvaret. Ifølgje Grepstad er det berre nokre månadsverk med korrektur og finpuss som står att.

LES OGSÅ: Noregs Mållag krev trygg hamn for språksamlingane

Widvey på saka
Seinare denne månaden møter kulturminister Torhild Widvey styreleiar Lodve Solholm i Nynorsk kultursentrum for å ta opp saka.

Kulturdepartementet har utrykt uro knytt til Norsk Ordbok ovanfor Universitetet i Oslo og ber dei koma med ein ny sluttdato seinast 13. mars.

Ovanfor Uniforum forsikrar leiar for Institutt for lingvistiske og nordiske studium ved UiO, Kristian Emil Kristoffersen, om at dei jobbar med ein fagleg forsvarleg løysing for språksamlingane, som vil bli oversendt Kulturdepartementet snarleg.

NYNORSK INSPIRASJON

SPRÅKBRUKSPLANAR

Meir enn 30 av LNK sine medlemskommunar har vedteke eigne språkbruksplanar – eller målbruksplanar som dei ofte vart kalla før. Dei fleste planane byggjer...

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

MEST LESE

Krev Google-handling frå regjeringa

Mållaget, Nynorsksenteret og LNK stilte tydelege krav då dei møtte statssekretær i Kulturdepartementet denne veka.  – Me veit at fleire skular har google-maskiner og bruker...

Ber om 36 millionar til nynorsk kulturløft

Nynorsk har ikkje kome godt nok ut av Støre si regjeringstid. No ber dei 21 medlemsinstitusjonane i Nynorsk forum om 36 millionar til eit...

LNK gler seg over pengar til læremiddel på nynorsk for vaksne innvandrarar – men det er behov for meir

Direktoratet for høgare utdanning og kompetanse (HK Dir) lyser ut 1,5 millionar kroner til læremiddel som skal brukast i opplæringa i norsk for vaksne...
Blant klassane på nynorske barneskular som bruker nettbrett eller pc minst éin gong i veka, er det 77 prosent som bruker digitale læringsressursar og læremiddel som berre finst på bokmål. Foto: Pixabay

Språkrådet testa KI-språket – fann grovare og fleire feil på nynorsk

Språkrådet har testa kor god ChatGPT i bokmål og nynorsk. Kunstig intelligens (KI) pregar stadig meir av kvardagen vår – på jobben, på skulen og...