Heim Nyhende Finske elevar skal framleis lære svensk

Finske elevar skal framleis lære svensk

Den finske riksdagen vil ikkje gjere svenskundervisninga på skulen frivillig, men opnar for ei forsøksordning i enkelte område.

 

Eit stort fleirtal stemte ned forslaget, som var fremma som eit såkalla innbyggjarinitiativ med 50.000 underskrifter.

LES OGSÅ: Finsk språkuvilje – om den merkelege språksituasjonen i Finland

I staden ber riksdagen om ei utgreiing av ei forsøksordning med frivillig svenskundervisning i enkelte område. Det kan særleg bli aktuelt i aust, der enkelte kommunar har bedt om heller å få undervise i russisk.

Statsminister Alexander Stubb, som representerer det konservative Samlingspartiet, seier han aldri har forstått folk som ikkje ønskjer å lære fleire språk. Pirkko Ruohonen-Lerner frå det høgrepopulistiske partiet Sannfinnene meiner på si side at svenskundervisninga står i vegen for at unge lærer andre språk.

– Mange orkar ikkje å lære fleire språk. Svensk trengst berre i kommunar der fleirtalet snakkar svensk. Det er eit frykteleg sløseri, meiner han.

Svensk er obligatorisk for elevar på 7. til 9. trinn i den finske grunnskulen, på vidaregåande og ved yrkesretta universitetsutdanningar. Tilsette i det offentlege må kunne svare på meldingar på både finsk og svensk. (©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Nynorsk teaterjubel i raudgrøn budsjettsemje

– Alle som er glade i nynorsk scenekunst, kan sende ein varm tanke og ei hjarteleg takk til Audun Lysbakken og SV. Det seier leiar...

Ny lærebok vil vise at nynorskopplæring er moderne

Lærarstudentar og norsklærarar som strevar med nynorsk får gjennom ei ny bok høve til å styrkje nynorskkompetansen sin. – Boka er sett saman av ulike...

Vel nynorsk for barnet ditt!

Er du ein av dei mange tusen føresette som veit at dette er siste året i barnehage, og neste haust er det skulestart? Kanskje...

Det nynorske næringslivet foreinar kreftene

Den nye medlemsorganisasjonen Nynorsk bedriftsforum skal vere eit landsdekkande nettverk av og for nynorskbedrifter. Målet er å betre dei språklege arbeidsvilkåra for nynorskbedriftene, slik...