Eid og Selje kommunar i Sogn og Fjordane har vedtatt å slå seg saman til ein kommune.
– Dette er ein gledesdag for Selje kommune, sa ordførar Stein Robert Osdal (KrF) til NRK , etter at Selje kommunestyre med 14 mot 3 stemmer har vedtatt å slå seg saman med Eid.
I Eid var det 23 som stemte for og 6 stemte mot samanslåing.
Osdal seier dei har komme fram til ein god avtale som begge kommunane kjem styrkt ut av.
– Det som ligg i planen, er at kommunesenteret og rådmannen med sin stab skal liggje på Nordfjordeid. Plan-, nærings- og utviklingsavdelinga skal liggje i det som i dag er Selje kommune, og det er særleg kystnæringa i Selje som vil vere i sentrum av næringssatsinga i den nye kommunen, seier ordførar i Eid Alfred Bjørlo (V).
I dag har Selje kommune 2.700 innbyggjarar, mens Eid har over 6.000.
(©NPK)
