Heim Nyhende Ap-nei til ny runde i kommunereforma

Ap-nei til ny runde i kommunereforma

Arbeidarpartiet avviser ein ny runde i kommunereforma, og partileiar Jonas Gahr Støre seier samanslåingar må baserast på fri vilje.

Arbeidarpartiet har sagt at dei vil innvilge skilsmisse til eventuelt tvangssamanslåtte kommunar som måtte ønske dette. Høgres programkomité har varsla ein ny runde med tvangssamanslåingar neste periode, mens Arbeidarpartiet går i motsett retning.

– Vi meiner ein også i neste periode må stimulere til samanslåingar det er behov for og som ein ønskjer, men det å no skulle kaste kommunane i kverna for ein runde nummer to, vil eg åtvare mot på det sterkaste, seier kommunalpolitisk talsmann Helga Pedersen (Ap) til Dagbladet.

Tidlegare i veka melde Aftenposten at det finst ein stad mellom 10 og 15 aktuelle kandidatar til tvangssamanslåing blant norske kommunar.

Fri vilje

I partiprogrammet som blir lagt fram 6. februar, går Arbeidarpartiet inn for å styrke kommuneøkonomien for å betre dei kommunale tenestene. Samtidig vil dei fortsette å stimulere til frivillige samanslåingar ved å behalde reformstøtta, eingongsstøtta og overgangsordninga der kommunane får behalde tilskot i tjue år framover. I tillegg går dei inn for eit kompetanseløft i kommunesektoren.

Arbeidarpartileiar Jonas Gahr Støre seier fredag på Politisk kvarter at partiet har justert sitt syn på tvang i denne stortingsperioden. Han seier partiet er for at kommunar slår seg saman for å løyse oppgåvene betre, men at det må baserast på fri vilje.

Pedersen seier at kommunar som har sagt nei, kanskje forandrar meining om nokre år. Derfor meiner ho at det er viktig å vidareføre dei positive verkemidla frå den pågåande reforma, heller enn å bruke tvang.

– Lite nytt

Kommunal- og moderniseringsminister Jan Tore Sanner (H) seier han ikkje er imponert over tiltaka frå Arbeidarpartiet, og meiner det er lite nytt i det partiet presenterer. Sanner legg til at eingongsstøtta partiet no lovar å behalde er lovfesta.

Han meiner dei økonomiske gulrøtene Arbeidarpartiet skisserer vil vere dårlegare enn det regjeringa har lagt fram.

– Den største gevinsten i dag ligg i ei eiga overgangsordning der kommunane får behalde ulike tilskot basert på inntektssystemet i 2016 i tjue år framover, så det vil uansett innebere at dei økonomiske fordelane blir klart dårlegare i neste periode enn i denne, seier Sanner.

(©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

LNK om ny opplæringslov: – Stortinget må sikra meir nynorsk i skulen

Nynorskkommunane (LNK) er glad for at regjeringa vil lovfesta at skulen skal ha skriveprogram som støttar nynorsk, men meiner lova må oppdaterast for å...

Mållaget: – Ny opplæringslov forsterkar den digitale læremiddelkrisa for nynorskelevane

– Situasjonen i nynorskklasseromma er alvorleg. Det sit over 73 000 nynorskelevar ved pultane sine og må bruke digitale læringsressursar på feil språk, seier...
Vidaregåande skule

Føreslår å fastsetja hovudmål på vidaregåande skular

I forslaget til ny opplæringslov føreslår regjeringa fleire større og mindre endringar til språk på skulane. Departementet føreslår blant anna: å vidareføra at kommunen skal...

Frieriet i Todalen – kva skjer med Vangsgutane no?

Vi har intervjua tekstforfattar Kjartan Helleve om dei siste hendingane rundt teikneseriefigurane Vangsgutane, som kom fram i siste utgåva om dei ved juletider. Faste...