Heim Nyhende Nynorske barnehagar syng og les mest på bokmål

Nynorske barnehagar syng og les mest på bokmål

– Born må ikkje bli fråtatt sjansen til å lytta seg inn i skriftspråket, åtvarar Anne Høigård.

75 prosent av alle barnehagane i nynorskområde syng ein eller fleire songar på bokmål i løpet av ein vanleg dag. 58 prosent av barnehagane syng minst éin song på nynorsk kvar dag. Også når det gjeld høgtlesing, er bokmål meir vanleg enn nynorsk.

Det viser ei undersøking som kulturavisa Pirion.no har gjennomført i samarbeid med Landssamanslutninga av nynorskkommunar.

Får språket gjennom øyra

Anne Høigård er mellom anna forfattar av Barns språkutvikling som er pensum på dei fleste barnehagelærarutdanningane. Foto: UniversitetsforlagetAnne Høigård er ein av nestorane innanfor forsking på språkstimulering i barnehagar. Ho meiner resultata er nedslåande.

– Alle lærer tidleg at ein ikkje skriv heilt slik som ein snakkar. Det ein høyrer opplese blir det ein oppfattar som det rette skriftspråket, seier Høigård.

Ifølgje undersøkinga er barnehagane flinke til gjenfortelja og lesa på dialekt. Men Høigård meiner alle også treng å høyra skriftspråket sitt opplese for å høyra at det er forskjell på skriftspråket og dialekten.

Ho understrekar at song òg er ein veldig viktig veg inn i språklæringa.

– Må inn i rammeplanen

Anne Høigård meiner den nye rammeplanen for barnehagane bør seia noko om språkstimulering og nynorsk.

– Det går mykje vidare enn berre å vere eit snevert skuleførebuande tiltak. Nynorsk er òg ein del av barnehagane sitt kulturoppdrag, slår ho fast.

LES OGSÅ: – Syng lyst og sakte for å få med borna

– Svikt i lærarutdanningane

Anne Høigård har i ei årrekkje undervist ved barnehagelærarutdanninga i Stavanger, og er no pensjonist. Ho har gjeve ut ei rekkje bøker og artiklar om språkutviklinga til born.

– Eg er stygt redd for at svikten ligg i mange av barnehagelærarutdanningane. Eg trur at mykje av haldningsarbeidet er fråverande i fleire av barnehagelærarutdanningane. Slik eg eg kjenner utdanningane, så er det ikkje alle stadene ein har eit bevisst forhold til språkstimulering på nynorsk, seier Høigård.

Meld deg på nyhendebrevet vårt!

Barnehageundersøkinga blei sendt til 728 barnehagar i nynorskområde. 256 barnehagar svara. Sjå alle resultata frå barnehageundersøkinga her!

Les også: Nynorske barnehagar syng oftast på bokmål

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Stortinget hindra digital jamstilling for nynorsken

Det seier ein skuffa leiar i Noregs Mållag, Peder Lofnes Hauge, etter at den nye opplæringslova torsdag blei vedtatt i Stortinget.  – I ein skulekvardag...

Gratis teateroppleving på øyret – i samarbeid med dagsturhyttene 

Teater Vestland og dagsturhyttene samarbeider om å gi folk ei annleis teateroppleving i naturen.  Skogsopplevingar er ein 20 minutt lang podkast som du høyrer på ute i...

Programmet til landstinget til LNK i Sogndal 1.-2. juni 2023

Landssamanslutninga av nynorskkommunar ønskjer velkommen til landsting i Sogndal 1.-2. juni på Quality Hotel Sogndal. Landstinget til LNK blir arrangert annakvart år, og er ein...

– Eit svik mot nynorskelevane 

Utdanningskomiteen har no lagt fram innstillinga si til ny opplæringslov. Trass i tydelege krav frå alle hald om at læringsressursar som er utvikla til...