Heim Nyhende Har oppdatert det mest omfattande etternamnleksikonet i Norden

Har oppdatert det mest omfattande etternamnleksikonet i Norden

Gir ut etternamnleksikonet på Samlaget.

Norsk etternamnleksikon er no revidert etter 20 års bruk, fagleg oppdatert og utvida. Den nye utgåva inneheld 2000 fleire etternamn enn den første utgåva og innvandrarnamn har kome med.

Vietnamesiske Nguyen er no på 51 plass over dei mest vanlege norske etternamna, og Mohamed på 134 plass. Men øverst på lista tronar framleis Hansen framfor Johansen og Olsen, sjølv om det har blitt registrert noko nedgang i personar som har Hansen som etternamn dei siste 20 åra.

Nedgangen i sen-namna kjem mellom anna av at sen- namna er meir anonyme og har liten identifikasjonseffekt, meiner redaktør for leksikonet Olav Veka.

– Dei er så vanlege at folk vil heller bli knytte til meir spesielle namn, namn som skil seg ut i den store mengda. Etternamn av gardsnamn er meir særprega og seier noko om opphav, slekt, geografisk tilknyting. I Noreg har denne namnetypen meir prestisje og folk kjenner gardsnamn som ein ‘naturleg’ og ‘norsk’ type som særleg seier noko om slekt og kvar garden ligg, fortel Veka.

Kjende namn, historiske namn, uvanlege namn og namn som er språkleg og kulturelt interessante, er omtalte endå om dei har færre enn 25 berarar. Eigne fagfolk har skrive om samiske og finske etternamn. Norsk etternamnleksikon er ei uunnverleg handbok for alle namneinteresserte, og er nyttig for slektsgranskarar.

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Undersøking: Journalistar med nynorskkompetanse er mangelvare

I ei undersøking om «Nynorsk i avisene» kjem det fram at aviser som bruker begge skriftspråk er positive til meir nynorsk. Samtidig har redaktørane...

Norsk Målungdom har valt ny leiar

Sebastian Vinsent Natvik frå Alver kommune i Vestland er valt som ny leiar for Målungdommen. – Eg er veldig takksam for tilliten til landsmøtet, og...

Harselerer og hyller nynorsken i ny musikal

Are Kalvø og Ingrid Bjørnov har laga musikal inspirert av nynorsk (spynorsk) (m)ordliste og Ivar Aasen. 13. april har det satiriske stykket premiere på...

Norsk Barneblad – i takt med tida sidan 1887 – og truleg eldst i verda

Norsk Barneblad er truleg det eldste eksisterande bladet i verda for barn. Det har kome ut utan stans sidan 1887 og lever i beste...