Neste år startar NRK med eigne nyheitssendingar for barn i alderen 8 til 12 år.
Sverige har det, og BBC har gjort det i ei årrekkje. No følgjer NRK opp på barnekanalen Super med nyheiter skreddarsydd for dei litt eldre barna, i tida like før Dagsrevyen.
– Vi veit at barn konsumerer nyheiter i stor skala, enten det er frå framsidene av avisene, via radio, på nettet, eller dei ser Dagsrevyen. Svært mange barn får i dag med seg dei store og vanskelege sakene, men få snakkar med vaksne om det, seier prosjektleiar Live Kaldestad til Aftenposten. (NPK)
