Noregs Mållag slår eit slag for fleire myntar på nynorsk.
Mållaget likar ikkje at Norges Bank no vil fjerne 50-øringen. Då er det berre femkroningen att som er prega av Kongeriket Noreg, skriv Dagsavisen.
– Når 50-øringen forsvinn bør resten av myntane endrast, slik at det både står «Noreg» og «Norge» på kvar valør, meiner nestleder i Mållaget, Jens Kihl.
Noko Erling Sande på Stortinget er samd i, han er også kasserar i Løvebakken Mållag.
– Dette er ikkje eit urimeleg forslag. Vi har jo to offisielle norske språkformar, noko som blir spegla på mange område i samfunnet. No må vi diskutere om ikkje dette også i større grad må vise att på myntane våre, seier han til Dagsavisen.
– Det burde ikkje vere noko umogleg oppgåve å få til myntar med begge målformer, meiner Sande.
Norges Bank trekk 50-øringen attende på grunn av at mynten ikkje lenger blir stort brukt av nokon. Det er Norges Bank som bestemmer ordlyden på myntane.
